قازاقستان كينەماتوگرافياسىنىڭ تاريحىندا «شەتەل تىلىندەگى ۇزدىك فيلم» نوميناتسياسىندا «وسكار» جۇلدەسىنە ۇسىنىلعان فيلمدەر كوپ بولدى، دەپ حابارلايدى “ادىرنا” ۇلتتىق پورتالى Zakon.kz سايتىن سىلتەمە جاساپ.
جىل سايىن پروكاتقا شىققان تۋىندىلار جىلدىڭ ۇزدىك ءفيلمى اتاعىنا تالاسادى.
كينويندۋسترياداعى وتاندىق فيلمدەردىڭ «شەت تىلىندەگى ۇزدىك فيلم» اتالىمىنا ۇسىنىلعان جاعدايلارى از ەمەس.
«وتىراردىڭ كۇيرەۋى». فيلم 13 عاسىرداعى، شىڭعىس حان تۇسىنداعى وقيعالاردى قامتيدى. ءفيلمنىڭ باستى كەيىپكەرى – ءبىر كەزدەرى شىڭعىس حان اسكەرىنە جاسىرىن جول سالعان ءۇنجۋ مىڭىنشى جاۋىنگەر اتاندى. شىڭعىس حان ءوز اسكەرىن ورتا ازياعا جىبەرۋگە شەشىم قابىلداعانىن بىلگەن ول، حورەزمگە كەلە جاتقان قاۋىپ تۋرالى ەسكەرتپەكشى بولدى. ءفيلمنىڭ رەجيسسەرى ارداق امىرقۇلوۆ.
«كوشپەندى». 2005 جىلى جارىق كورگەن قازاق-فرانتسۋز ءفيلمى. تۋىندىنىڭ سيۋجەتى ءىلياس ەسەنبەرليننىڭ «كوشپەندىلەر» تريلوگياسىنىڭ ەكىنشى كىتابىنا نەگىزدەلگەن. كەيىن ابىلاي حان اتالىپ كەتكەن جاس جىگىت ءابىلمانسۇر جوڭعارلارعا تويتارىس بەرۋ ءۇشىن قازاق رۋلارىنىڭ باسىن قوسىپ، اسكەر باسىندا تۇرۋعا تىرىسادى. تاريحي نەگىز رەتىندە 18 عاسىر باسىنداعى ناقتى وقيعالار نەگىزگە الىندى.
«موڭعول». رەسەي، گەرمانيا جانە قازاقستان بىرلەسىپ تۇسىرگەن، سەرگەي بودروۆ رەجيسسەر بولعان فيلم. ءفيلمنىڭ سيۋجەتى موڭعول تايپالارىنىڭ باسىن قوسىپ، بۇكىل موڭعولدىڭ حانى اتانىپ، جارتى الەمدى جاۋلاپ الاتىن بالا تەمۋچين توڭىرەگىندە ءوربيدى. ول ادامزات تاريحىنداعى ەڭ ۇلى جاۋلاۋشى بولۋ ءۇشىن ازاپ، قورلىق، ءتۇرلى زابىردەن وتەدى.
«قىزعالداق». سەرگەي دۆورتسەۆويدىڭ ءفيلمى. تۋىندى دەموبيليزاتسيادان كەيىن تۋعان دالاسىنا ورالعان ماتروس اسحات تۋرالى. ول ۇلكەن اپكەسى سامال مەن جولداسى وڭداستىڭ كيىز ۇيىندە تۇرادى. اسحاتقا قويدىڭ ءبىر بولىگى ۋادە ەتىلگەن، بىراق شارت بويىنشا ول وتباسىن قۇرۋ كەرەك. اسحات قىزعالداق ەسىمدى قىزعا عاشىق بولعانىمەن، بويجەتكەن وعان تۇرمىسقا شىققىسى كەلمەيدى. فيلم قاراپايىم نارسەلەردى قايتا ويلاۋ، ماحاببات پەن قازاق مادەنيەتى تۋرالى.
«اناعا اپارار جول» رەجيسسەرى اقان ساتاەۆ. سيۋجەتتىڭ نەگىزىنە انا مەن بالا اراسىنداعى وشپەس ماحاببات الىندى. باستى كەيىپكەر ءىلياس اناسىنان بالا كەزىندە اجىراپ قالادى. سودان بەرى ول تۋعان دالاسىنا ورالۋدى ارماندايدى. ءىلياس بالالار ۇيىنە ءتۇسىپ، سوعىسقا دا، تۇرمەگە دە تۇسەدى. باتىردىڭ قيىنشىلىقتارى مەن كەدەرگىلەرىنە قاراماستان، ول ءومىر بويى اناسىنا جەتۋدى ارماندايدى.
«جاۋ جۇرەك مىڭ بالا». اقان ساتاەۆتىڭ تاعى ءبىر ءفيلمى. وقيعا قازاق حاندىعىنىڭ جوڭعارلارمەن كەسكىلەسكەن شايقاستارى بولعان 18 عاسىردىڭ ءبىرىنشى جارتىسىندا ورىن الادى. ەرجۇرەك سارتاي باستاعان جاس جاۋىنگەرلەر تۋعان جەردى قورعاۋعا تىك تۇرادى. ونىڭ مىڭداعان جاۋىنگەردەن تۇراتىن اتى اڭىزعا اينالعان اسكەرى بۇكىل سوعىستىڭ بارىسىن وزگەرتەدى.
«شال». بۇل ءفيلمنىڭ رەجيسسەرى جازۋشى، ستسەناريست جانە كينورەجيسسەر ەرمەك تۇرسىنوۆ. باستى كەيىپكەر – قىستا دالادا اداسىپ قالعان قاريا. ۇيىنە جول تابۋعا تىرىسىپ، ول ءولىم قاۋپىنە ۇشىرايدى. اش قاسقىرلاردان قورعانىپ، ءومىرى ءۇشىن كۇرەسەدى.
“ادىرنا” ۇلتتىق پورتالى
