تالدىقورعاندا پوليتسەيلەر 9 اقپان كۇنى كەشكە سىبايلاس جەمقورلىققا قارسى ءىس-قيمىل اگەنتتىگىنىڭ عيماراتىنىڭ الدىنا جينالدى، دەپ حابارلايدى “ادىرنا” ۇلتتىق پورتالى Orda.kz سايتىنا سىلتەمە جاساپ.
Orda.kz وقىرمانى قىلمىستىق پوليتسيا باسقارماسىنىڭ قىزمەتكەرى كەنجەباەۆتى ازاپتاۋ فاكتىسى بويىنشا ۇستالعانى تۋرالى حابارلادى. وسى سەبەپتەن ونىڭ ارىپتەستەرى جۇمىستان شىعۋ تۋرالى جاپپاي ءوتىنىش جازۋدى جوسپارلاعان.
ال 9 اقپان كۇنى كەشكە پوليتسيا وكىلدەرى سىبايلاس جەمقورلىققا قارسى ءىس-قيمىل اگەنتتىگى دەپارتامەنتىنىڭ عيماراتىنا جينالدى، وعان كەيىن الماتى وبلىسى پوليتسيا دەپارتامەنتى باستىعىنىڭ ورىنباسارى كەلگەن.
الماتى وبلىسىنىڭ قۇقىق قورعاۋ ورگاندارىنىڭ حابارلاۋىنشا، كريمينالدىق پوليتسيا قىزمەتكەرلەرىنىڭ ەشقايسىسى ۇستالعان جوق.
"بىردە-ءبىر قىزمەتكەر ۇستالعان جوق. كەشە سىبايلاس جەمقورلىققا قارسى ءىس – قيمىل اگەنتتىگىنىڭ دەپارتامەنتىنىڭ جانىنا جينالدى. 20 مينۋتتان سوڭ تارادى", - دەدى قۇقىق قورعاۋ ورگاندارىنداعى اقپارات كوزى.
“ادىرنا” ۇلتتىق پورتالى
