"قازاقستان حالقىنا" قورىنىڭ باسشىسى بولات جامىشەۆ باس-اياعى 24 ادامدى قۇرايتىن اتقارۋ كەڭەسىنىڭ مۇشەلەرى ورتا ەسەپپەن 587 مىڭ تەڭگە جالاقى الاتىنىن ايتتى، دەپ حابارلايدى "ادىرنا" ۇلتتىق پورتالى.
قور باسشىسى بىرەۋلەر 587 مىڭ تەڭگەنى تىم جوعارى جالاقى دەپ ساناۋى مۇمكىن ەكەنىن دە اتاپ ءوتتى.
"الايدا بۇل ەلدەگى ورتالىق مەملەكەتتىك ورگاندارداعى اكىمشىلىك قىزمەتكەرلەردىڭ ەڭبەكاقىسىمەن بىردەي. ءبىز بۇكىل مينيسترلىككە قاراما-قارسى جولدىڭ بەتىندە وتىرمىز. سوندىقتان اكىمشىلىك مەملەكەتتىك قىزمەتكەرلەردىكىمەن تەڭ بولاتىن جالاقى ۇسىنباساق، ەشكىم بىزگە جۇمىسقا كەلمەيدى. سونداي-اق، مەملەكەتتىك ورگانداردا سىياقى قاراستىرىلسا، ءبىز بيۋدجەتكە سىياقى ەنگىزگەن جوقپىز", - دەدى بولات جامىشەۆ.
الداعى ۋاقىتتا جامىشەۆ قور قاراجاتىن بارىنشا ۇنەمدەۋگە تىرىساتىنىن مالىمدەدى. ماسەلەن، ءتۇرلى كومپانيالار كەڭسە، كومپيۋتەرلەر، اۆتوكولىك، ەلەكتروندى قۇجات اينالىمىنا ارنالعان پورتال مەن جۇيەنى تەگىن ۇسىنعان.
"ادىرنا" ۇلتتىق پورتالى
