"Qazaqstan halqyna" qorynyŋ basşysy Bolat Jämışev bas-aiaǧy 24 adamdy qūraityn atqaru keŋesınıŋ müşelerı orta eseppen 587 myŋ teŋge jalaqy alatynyn aitty, dep habarlaidy "Adyrna" ūlttyq portaly.
Qor basşysy bıreuler 587 myŋ teŋgenı tym joǧary jalaqy dep sanauy mümkın ekenın de atap öttı.
"Alaida būl eldegı ortalyq memlekettık organdardaǧy äkımşılık qyzmetkerlerdıŋ eŋbekaqysymen bırdei. Bız bükıl ministrlıkke qarama-qarsy joldyŋ betınde otyrmyz. Sondyqtan äkımşılık memlekettık qyzmetkerlerdıkımen teŋ bolatyn jalaqy ūsynbasaq, eşkım bızge jūmysqa kelmeidı. Sondai-aq, memlekettık organdarda syiaqy qarastyrylsa, bız biudjetke syiaqy engızgen joqpyz", - dedı Bolat Jämışev.
Aldaǧy uaqytta Jämışev qor qarajatyn barynşa ünemdeuge tyrysatynyn mälımdedı. Mäselen, türlı kompaniialar keŋse, kompiuterler, avtokölık, elektrondy qūjat ainalymyna arnalǧan portal men jüienı tegın ūsynǧan.
"Adyrna" ūlttyq portaly
