عالامتوردا قر ىشكى ىستەر ءمينيسترى ەرلان تۇرعىمباەۆتى قىزمەتىنەن بوساتۋدى تالاپ ەتەتىن پەتيتسيا جاريالانىپ، جەلى قولدانۋشىلارى #ازاپتاۋدىتوقتات حەشتەگىمەن نارازىلىق اكتسياسى بويىنشا ۇستالعانداردى ازاپتاۋدىڭ توقتاتىلۋىن جانە جازىقسىزداردىڭ جازالانباۋىن جاپپاي تالاپ ەتۋدە، دەپ حابارلايدى "ادىرنا" ۇلتتىق پورتالى.
پەتيتسياعا قازىرگە دەيىن 1836 ادام قول قويعان. اتالعان پەتيتسيا اۆتورى بارلىعى 100 مىڭ ادامنىڭ قولىن جيناۋدى ماقسات ەتكەن. ونىڭ ايتۋىنشا، ازاپتاۋعا، ءتۇرلى زاڭسىزدىقتارعا جول بەرگەن ءىىم ءمينيسترى ەرلان تۇرعىنباەۆ وتستاۆكاعا كەتۋى ءتيىس.
- 06.01.2022 جىلى كەشكى ۋاقىتتا «حالىق تەرروريست ەمەس» دەگەن ۇلكەن جازۋمەن الاڭدا تۇرعان بەيبىت حالىققا ەسكەرتۋسىز وق اتىلدى دەگەن شاعىمدار مەن حابارلامالاردى، دالەلدەردى ءجىتى تەكسەرۋ قاجەت. دالەلدەنگەن جاعدايدا بەيبىت حالىققا وق اتقاندار قىلمىستىق جاۋاپقا تارتىلۋى كەرەك. سونداي-اق، 07.01.2022, 08.01.2022 جىلى ولتىرىلگەندەردىڭ قانداي جاعدايدا، كىمنىڭ قولىنان قازا تاپقاندارىن تولىق انىقتاۋ كەرەك. اۋىر قىلمىسقا قاتىسى جوق ميتينگكە قاتىسقانداردىڭ ءبارىن تۇگەلدەي بوستاندىققا شىعارۋ كەرەك، – دەلىنگەن پەتيتسيادا.
"ادىرنا" ۇلتتىق پورتالى
