اقش پرەزيدەنتى دونالد ترامپ پەن رەسەي پرەزيدەنتى ۆلاديمير پۋتين تەلەفون ارقىلى سويلەستى، دەپ حابارلايدى "ادىرنا" ۇلتتىق پورتالى.
قارىم-قاتىناس شامامەن 1 ساعات 15 مينۋتقا سوزىلعان.
ترامپتىڭ جازباسىنا سايكەس، باستى تاقىرىپتاردىڭ ءبىرى — ۋكرايناداعى جاعداي مەن سوڭعى اپتالاردا ورىن العان اسكەري شابۋىلدار بولدى. اتاپ ايتقاندا، ترامپ رەسەي اەرودرومدارىنا جاسالعان ۋكراين شابۋىلدارى مەن وسىعان بايلانىستى ماسكەۋدىڭ ىقتيمال جاۋاپ شارالارىن قوزعاعانىن مالىمدەدى.
قول جەتكىزۋىنە جول بەرىلمەۋى كەرەكتىگىن باسا ايتىپ، بۇل ماسەلە بويىنشا پۋتينمەن ءوزارا تۇسىنىستىككە كەلگەنىن جەتكىزدى.
«مەن جاڭا عانا رەسەي پرەزيدەنتى ۆلاديمير پۋتينمەن تەلەفون ارقىلى سويلەستىم. قوڭىراۋ شامامەن ءبىر ساعات ون بەس مينۋتقا سوزىلدى. ءبىز ۋكراينانىڭ تۇراقتاعى رەسەيلىك ۇشاقتارعا شابۋىلىن، سونداي-اق ەكى جاقتىڭ باسقا شابۋىلدارىن تالقىلادىق. اڭگىمە جاقسى بولدى، بىراق تەز ارادا بەيبىتشىلىككە اكەلەتىندەي ەمەس. پرەزيدەنت پۋتين جاقىندا اەرودرومدارعا جاسالعان شابۋىلعا جاۋاپ بەرۋگە ءماجبۇر بولاتىنىن ايتتى»، — دەپ جازدى ترامپ.بۇدان بولەك، ەكىجاقتى ديالوگتىڭ ماڭىزدى بولىگى يرانعا جانە ونىڭ يادرولىق باعدارلاماسىنا ارنالدى. ترامپ يراننىڭ يادرولىق قارۋعا
ۇقساس جاڭالىقتار
«مەن پرەزيدەنت پۋتينگە يراننىڭ يادرولىق قارۋى بولماۋى كەرەك ەكەنىن ايتتىم جانە مەنىڭ ويىمشا، بۇل ماسەلە بويىنشا بىزدە ءوزارا تۇسىنىستىك بولدى. پرەزيدەنت پۋتين يرانمەن كەلىسسوزدەرگە قاتىسۋدى جانە پروتسەستى جىلدامداتۋعا كومەكتەسۋدى ۇسىندى. مەنىڭ ويىمشا، يران وسى وتە ماڭىزدى ماسەلە بويىنشا شەشىم قابىلداۋمەن اينالىسادى جانە بىزگە جاقىن ارادا ناقتى جاۋاپ قاجەت بولادى»، — دەدى ترامپ.ترامپتىڭ ايتۋىنشا، يراننىڭ يادرولىق باعدارلاماسى بويىنشا شەشىم قابىلداۋعا ۋاقىت بارعان سايىن قىسقارىپ بارادى. سوندىقتان ناقتى قادامدار قاجەت ەكەنىن ەسكەرتىپ ءوتتى. كرەمل دە بۇل تەلەفون ارقىلى سويلەسۋدى راستادى. رەسەيلىك تاسس اگەنتتىگىنىڭ حابارلاۋىنشا، تاراپتار حالىقارالىق جانە ايماقتىق قاۋىپسىزدىك ماسەلەلەرىنە ەرەكشە نازار اۋدارعان. الايدا كرەمل ترامپتىڭ جاريالاعان ەگجەي-تەگجەيلەرىن ناقتىلامادى. ازىرگە ناقتى كەلىسىمدەر مەن ارەكەت جوسپارلارى جاريالانعان جوق.
