AQŞ prezidentı Donald Tramp pen Resei prezidentı Vladimir Putin telefon arqyly söilestı, dep habarlaidy "Adyrna" ūlttyq portaly.
Qarym-qatynas şamamen 1 saǧat 15 minutqa sozylǧan.
Tramptyŋ jazbasyna säikes, basty taqyryptardyŋ bırı — Ukrainadaǧy jaǧdai men soŋǧy aptalarda oryn alǧan äskeri şabuyldar boldy. Atap aitqanda, Tramp Resei aerodromdaryna jasalǧan ukrain şabuyldary men osyǧan bailanysty Mäskeudıŋ yqtimal jauap şaralaryn qozǧaǧanyn mälımdedı.
«Men jaŋa ǧana Resei prezidentı Vladimir Putinmen telefon arqyly söilestım. Qoŋyrau şamamen bır saǧat on bes minutqa sozyldy. Bız Ukrainanyŋ tūraqtaǧy reseilık ūşaqtarǧa şabuylyn, sondai-aq ekı jaqtyŋ basqa şabuyldaryn talqyladyq. Äŋgıme jaqsy boldy, bıraq tez arada beibıtşılıkke äkeletındei emes. Prezident Putin jaqynda aerodromdarǧa jasalǧan şabuylǧa jauap beruge mäjbür bolatynyn aitty», — dep jazdy Tramp.Būdan bölek, ekıjaqty dialogtyŋ maŋyzdy bölıgı İranǧa jäne onyŋ iadrolyq baǧdarlamasyna arnaldy. Tramp İrannyŋ iadrolyq qaruǧa qol jetkızuıne jol berılmeuı kerektıgın basa aityp, būl mäsele boiynşa Putinmen özara tüsınıstıkke kelgenın jetkızdı.
«Men prezident Putinge İrannyŋ iadrolyq qaruy bolmauy kerek ekenın aittym jäne menıŋ oiymşa, būl mäsele boiynşa bızde özara tüsınıstık boldy. Prezident Putin İranmen kelıssözderge qatysudy jäne prosestı jyldamdatuǧa kömektesudı ūsyndy. Menıŋ oiymşa, İran osy öte maŋyzdy mäsele boiynşa şeşım qabyldaumen ainalysady jäne bızge jaqyn arada naqty jauap qajet bolady», — dedı Tramp.Tramptyŋ aituynşa, İrannyŋ iadrolyq baǧdarlamasy boiynşa şeşım qabyldauǧa uaqyt barǧan saiyn qysqaryp barady. Sondyqtan naqty qadamdar qajet ekenın eskertıp öttı. Kreml de būl telefon arqyly söilesudı rastady. Reseilık TASS agenttıgınıŋ habarlauynşa, taraptar halyqaralyq jäne aimaqtyq qauıpsızdık mäselelerıne erekşe nazar audarǧan. Alaida Kreml Tramptyŋ jariialaǧan egjei-tegjeilerın naqtylamady. Äzırge naqty kelısımder men äreket josparlary jariialanǧan joq.
Ūqsas jaŋalyqtar
