Qazaqstan Prezidentı Qasym-Jomart Toqaev AQŞ pen İran İslam Respublikasy arasynda qol jetkızılgen kelısımge qatysty öz pıkırın bıldırdı. Būl turaly Memleket basşysy özınıŋ X äleumettık jelısındegı paraqşasynda jazdy, dep habarlaidy "Adyrna".
"Halyqaralyq ahual kürdelı qazırgı kezeŋde aimaq jäne älemdık qoǧamdastyq üşın mūndai kelısımnıŋ maŋyzy zor. Bız taraptardyŋ saiasi erık-jıgerın joǧary baǧalaimyz. Būl özara senımdı qalpyna keltırıp, ekı jaqqa da tiımdı şeşım qabyldauǧa mümkındık berdı. Syn sätte batyl äreket etıp, strategiialyq köregendık tanytqan AQŞ Prezidentı Donald Tramptyŋ köşbasşylyǧyn erekşe atap ötemız. Sonymen qatar İran İslam Respublikasy jetekşılıgınıŋ konstruktivtı ūstanymyn quattaimyz. Qazaqstan osy beibıt kelısımge qol qoiu Taiau Şyǧysta jäne odan tysqary jerlerde beibıtşılık pen tūraqtylyqtyŋ berık negızın qalaitynyna senım artady", – dep jazdy Memleket basşysy X paraqşasynda.
14 mausymda AQŞ pen İran arasynda beibıt kelısımge qol jetkızılgenı belgılı boldy. Taraptar kelısımge resmi türde 19 mausymda qol qoiudy josparlap otyr.
AQŞ prezidentı Donald Tramp būl turaly Truth Social äleumettık jelısındegı paraqşasynda mälımdedı.
"İran İslam Respublikasymen kelısım jasaldy. Barşaŋyzdy qūttyqtaimyn! Osy şeşımge säikes Ormuz būǧazy arqyly erkın keme qatynasyna tolyq rūqsat berıledı. Sonymen qatar AQŞ-tyŋ äskeri-teŋız blokadasyn dereu toqtatuǧa tapsyrma berdım. Älem elderınıŋ kemelerı erkın qozǧala alady. Mūnai tasymaly qalypty rejimde jalǧassyn", – dep jazdy Tramp.
