Batys elderı Ukrainany qoldaitynyn jäne būl mäselege qatysty ūstanymdaryn özgertpeitının mälımdedı, dep jazady "Adyrna" saity. Būl turaly Vilniuste NATO sammitınen keiın söilegen AQŞ prezidentı Djo Baiden habarlady.
«AQŞ Ukraina qazır jäne bolaşaqta özın qorǧai aluy üşın 50-den astam elden tūratyn koalisiia qūrdy», - dedı Baiden. «Bız bostandyq pen demokratiia üşın bügın de, erteŋ de, qanşa uaqyt qajet bolsa, sonşa tūramyz», - dedı ol.
Aq üi basşysynyŋ aituynşa, Resei prezidentı Vladimir Putin Ukrainaǧa qarsy soǧysty bastap, demokratiialyq köşbasşylar älsız bolady dep Batys elderınıŋ bölınuıne ümıttengen. «Bıraq ol qate oilady», - dedı Baiden. Putin älı künge deiın NATO odaqtastary öz qūndylyqtarynan bas tartpaitynyn tüsınbeidı, dedı ol.
Djo Baiden G7 elderınıŋ Ukrainaǧa qatysty qauıpsızdık mındettemesın «küştı signal» dep atady jäne basqa elderdı kelısımge qosyluǧa şaqyrdy. Onyŋ aituynşa, G7 elderı Ukrainaǧa «jerde, auada jäne suda küştı jäne tiımdı qorǧanys» qūruǧa kömektesedı.
Amerika prezidentı öz sözınde AQŞ üşın europalyq qauıpsızdıktıŋ maŋyzdylyǧyn atap öttı. Ol «AQŞ qauıpsız Europasyz güldene alady» degen tüsınıktı «aqylǧa qonymsyz» dep atady. Onyŋ aituynşa, AQŞ pen Europa arasyndaǧy qarym-qatynas «jahandyq tūraqtylyqtyŋ tıregı» bolyp tabylady.
Ūqsas jaŋalyqtar
