تۇركىمەنستاننىڭ قازىرگى باسشىسىنىڭ ۇلى سەردار بەردىمۇحامەدوۆ الداعى سايلاۋدا پرەزيدەنتتىككە ۇمىتكەر رەتىندە ۇسىنىلادى دەپ كۇتىلۋدە. بۇل تۋرالى "ادىرنا" ۇلتتىق پورتالى جازادى.
Orda.kz مالىمدەۋىنشە، تۇركىمەنستاننىڭ Salam News ينتەرنەت-باسىلىمى وسىلاي حابارلادى.
«بۇگىن تۇركىمەنستاننىڭ قوعامدىق ۇيىمدارىنىڭ ورتالىعىندا تۇركىمەنستان دەموكراتيالىق پارتياسىنىڭ كەزەكتەن تىس IX سەزى ءوتتى. ونىڭ كۇن تارتىبىنە سايكەس تۇركىمەنستان پرەزيدەنتتىگىنە تۇركىمەنستان مينيسترلەر كابينەتى توراعاسىنىڭ ورىنباسارى سەردار قۇربانعۇلىۇلى بەردىمۇحامەدوۆتىڭ كانديداتۋراسى ۇسىنىلدى. كونگرەسسكە قاتىسۋشىلار تۇركىمەنستان پرەزيدەنتتىگىنە ۇمىتكەر سەردار بەردىمۇحامەدوۆتىڭ ءسوزىن تىڭداپ، قولدادى» دەلىنگەن تاراتقان حابارلامادا.
ەسكە سالا كەتەيىك، تۇركىمەنستاندى 2007 جىلدان بەرى باسقارىپ كەلە جاتقان پرەزيدەنت قۇربانعۇلى بەردىمۇحامەدوۆ دامۋدىڭ جاڭا كەزەڭىندە مەملەكەتتىك باسقارۋعا جول جاستارعا بەرىلۋى كەرەك دەگەن بولاتىن.
"ادىرنا" ۇلتتىق پورتالى
