ساۋدا جانە ينتەگراتسيا مينيسترلىگى «التىن وردا» بازارىنىڭ اۋماعى «قۇرىلىس LTD» جشس-نە تيەسىلى، قوسالقى جالعا «اتىن وردا QazTrade Ltd» جشس ەكەنىن مالىمدەدى، دەپ حابارلايدى "ادىرنا" ۇلتتىق پورتالى.
جالپى ساتۋ كولەمى 218 151 شارشى مەتردى قۇرايدى. ساۋدا كولەمى ورتا ەسەپپەن ايىنا 147 ملن تەڭگەگە جەتەدى، جۇك اينالىمى تاۋلىگىنە 500-دەن استام كاماز.
بازارعا كۇنىنە 8-15 مىڭ ساتىپ الۋشى كەلەدى.
«التىن وردادا» 5050 ساۋدا ورنى بار، ولاردى 45440 ادام جالعا الادى. جالداۋ باعاسى ورتا ەسەپپەن 42,5 مىڭ تەڭگەنى قۇرايدى.
اۋماقتا «التىن وردا» قوناق ءۇيى ورنالاسقان.
ساۋدا مينيسترلىگى نارىقتىڭ ىشكى ساۋدا ەرەجەلەرىندە بەلگىلەنگەن تالاپتارعا ساي كەلمەيتىنىن، ساۋدانىڭ كولەڭكەلى اينالىمى ورىن العانىن ايتتى.
ۆەدومستۆو نارىقتىڭ توقتاۋى جاعىمسىز سالدارعا اكەپ سوعاتىنىنا سەنىمدى.
«ماسەلەن، نارىقتاعى ساۋدا مەن جۇمىس ورىندارىنىڭ قىسقارۋى نارىق قاتىسۋشىلارىنىڭ تەرىس رەاكتسياسىن تۋدىرادى، قىرعىزستانداعى «دوردوي» بازارىنا تاۋارلاردىڭ وتۋىنە، ستيحيالىق ساۋدا ورىندارىنىڭ پايدا بولۋىنا اكەلۋى مۇمكىن. جاقىن ماڭداعى بازارلار ۇلكەن تاۋار اعىنىنا توتەپ بەرە المايدى. الماتى وبلىسىندا 84 بازار، الماتىدا 45 بازار تولىق تولتىرىلعان»، - دەلىنگەن مينيسترلىك حابارلاماسىندا.
قاسىم-جومارت توقاەۆ الماتى وبلىسى مەن الماتى قالاسىنىڭ اكىمدەرىنە ۇكىمەتپەن بىرلەسىپ، ەكى ايدىڭ ىشىندە «التىن وردا» بازارىندا ءتارتىپ ورناتۋدى تاپسىردى. پرەزيدەنت بۇل بازار «نان تابۋ» ورنىنا اينالعانىن ايتتى.
ۇكىمەتتىڭ ازاماتتارعا بەرگەن مالىمەتىنە سايكەس، بۇرىنعى پرەزيدەنت نۇرسۇلتان نازارباەۆتىڭ ءىنىسى بولات نازارباەۆ «قۇرىلىس LTD» جشس قۇرىلتايشىسى ءارى باسشىسى بولىپ تىركەلگەن.
"ادىرنا" ۇلتتىق پورتالى
