قازاقستاندىق ينۆەستورلاردىڭ شەتەلگە تىكەلەي ينۆەستيتسياسى 2021 جىلدىڭ قاڭتار-قىركۇيەك ارالىعىندا 1,5 ملرد اقش دوللارىنا جەتتى. 2020 جىلدىڭ 12 ايىندا كورسەتكىش 1,4 ملرد اقش دوللارىنا جەتتى، دەپ حابارلايدى “ادىرنا” ۇلتتىق پورتالى Naryk.kz سايتىنا سىلتەمە جاساپ.
وسىلايشا، توعىز ايدىڭ كورسەتكىشى بويىنشا ءوسىم 35,8% بولدى.
قازاقستاندىق ينۆەستورلاردىڭ شەتەلگە تىكەلەي ينۆەستيتسياسىنىڭ 1 ملرد دوللارى قارجى جانە ساقتاندىرۋ قىزمەتىنە تيەسىلى. ودان كەيىنگى ورىندا كاسىبي جانە عىلىمي تەحنيكالىق قىزمەت(117,4 ملن دوللار) جانە ءۇي شارۋاشىلىعى مەن تۇتىنۋ تاۋارلارى ءوندىرىسى (96,7 ملن دوللار).
اقشا اۋدارىمدارىنىڭ ىشىندە باسىم بولىگى وفشور ەلدەرى. بىلتىر العاشقى توعىز ايدا ەڭ كوپ كايمان ارالدارىنا 637,5 ملن دوللار اۋدارىلدى. بۇل ەلگە اۋدارىلعان اقشا كولەمى ءبىر جىلدا 3 ەسە كوبەيدى.
ارتىنشا رەسەي (253,1 ملن دوللار), ءۇشىنشى ورىندا دا وفشور - سەيشەل ارالدارى(176,6 ملن دوللار).
ايتا كەتەرلىگى، اۋدارىلعان ينۆەستيتسيا بىلتىر ءۇشىنشى توقساندا اۋدارىلدى. وعان دەيىن قازاقستاندىق ينۆەستورلار سەيشەل ارالدارىنا اقشا اۋدارا قويمايتىن.
ەسەسىنە كايمان ارالدارىنا ينۆەستيتسيا تۇراقتى كوبەيىپ بارادى. كايمان ارالدارىنىڭ ۇلەسى 2011 جىلى جالپى شەتەلگە اۋدارىلعان تىكەلەي ينۆەستيتسيانىڭ 0,1%-ىن قۇراسا، 2020 جىلى كورسەتكىش 23,3% بولدى. ال 2021 جىلدىڭ توعىز ايىندا 42,2% بولدى.
“ادىرنا” ۇلتتىق پورتالى
