باستى بەت
جاڭالىقتار
تارازدا وزبەكستان ازاماتتارىن قۇلدىقتا ۇستاعان: كۇندىز-ءتۇنى نان پىسىردىك

تارازدا وزبەكستان ازاماتتارىن قۇلدىقتا ۇستاعان: كۇندىز-ءتۇنى نان پىسىردىك

17.02.2022

3677

https://adyrna.kz/content/uploads/2022/02/803a7c49-3dbc-40e3-949d-82d308ca0f4e.png

وزبەكستاندىق ەرلى-زايىپتى تارازعا جۇمىسقا كەلگەن. جۇمىس بەرۋشى وسى جەردە تۇرۋعا رۇقسات الۋ ءۇشىن دەگەن جەلەۋمەن ولاردىڭ تولقۇجاتىن الىپ، قايتا بەرمەگەن. ولار التى اي تۇتقىندا بولىپ، كۇندىز-ءتۇنى نان پىسىرگەن، - دەپ حابارلايدى ”ادىرنا” ۇلتتىق پورتالى “استانا” ارناسىنا سىلتەمە جاساپ.

ەرلى-زايىپتى قاشىپ ۇلگەرگەندەرىنە قاتتى قۋانىشتى. سونىمەن قاتار، قۇلدىققا تۇسكەن كەزدە ايەل جۇكتىلىكتىڭ ءۇشىنشى ايىندا بولعان.
تەلەارنا مالىمەتىنشە، وسىنداي وقيعا ولاردىڭ جەرلەستەرىندە دە بولعان. ايەل دوسىنا سەنىپ، الماتىداعى كافەلەردىڭ بىرىندە تازالاۋشى بولىپ جۇمىسقا ورنالاسقان. الايدا ول التى ايلىق اۋىر جۇمىس ءۇشىن تەك قوقان-لوقى كورگەن.
"بىرەۋگە شاعىمدانسام، بالالارىڭدى ولتىرەمىن دەپ قورقىتتى. مەنى دە ولتىرەمىن دەدى. ءتىرى قالدىرمايمىن دەپ قورقىتتى. قۇجاتتارىمدى، تولقۇجاتىمدى الىپ كەتتى. قورقىتتى. سوندىقتان بىرەۋگە حابارلاسۋعا قورىقتىم", - دەدى ايەل.
زارداپ شەككەندەر ارنايى قابىلداۋ بولمەسىندە كومەك الىپ، وتانىنا ورالدى. قۇقىق قورعاۋشىلاردىڭ ايتۋىنشا، شەتەلدىكتەر اراسىندا قازاقستانداعى قۇلدىققا وزبەكستان تۇرعىندارى ءجيى تۇسەدى. ولار - كوبىنەسە ەر ادامدار.
"2020 جىلى 30 ەر ادام مەن بەس ايەلگە كومەك كورسەتتىك. وزبەكستان ءبىرىنشى ورىندا، ال پولشا، رەسەي، قىرعىزستاننان مۇنداي جاعداي سيرەك كەزدەسەدى. 2021 جىلى 51 ەر ادام مەن توعىز ايەلگە كومەك كورسەتىلدى. ونىڭ ىشىندە 56 وزبەكستان ازاماتى بار", - دەدى "رودنيك" الەۋمەتتىك-پسيحولوگيالىق وڭالتۋ جانە بەيىمدەۋ ورتالىعى" قق ديرەكتورى نينا بالاباەۆا.“ادىرنا” ۇلتتىق پورتالى