Basty bet
Jaŋalyqtar
Tarazda Özbekstan azamattaryn qūldyqta ūstaǧan: Kündız-tünı nan pısırdık

Tarazda Özbekstan azamattaryn qūldyqta ūstaǧan: Kündız-tünı nan pısırdık

17.02.2022

3675

https://adyrna.kz/content/uploads/2022/02/803a7c49-3dbc-40e3-949d-82d308ca0f4e.png

Özbekstandyq erlı-zaiypty Tarazǧa jūmysqa kelgen. Jūmys beruşı osy jerde tūruǧa rūqsat alu üşın degen jeleumen olardyŋ tölqūjatyn alyp, qaita bermegen. Olar alty ai tūtqynda bolyp, kündız-tünı nan pısırgen, - dep habarlaidy ”Adyrna” ūlttyq portaly “Astana” arnasyna sılteme jasap.

Erlı-zaiypty qaşyp ülgergenderıne qatty quanyşty. Sonymen qatar, qūldyqqa tüsken kezde äiel jüktılıktıŋ üşınşı aiynda bolǧan.
Telearna mälımetınşe, osyndai oqiǧa olardyŋ jerlesterınde de bolǧan. Äiel dosyna senıp, Almatydaǧy kafelerdıŋ bırınde tazalauşy bolyp jūmysqa ornalasqan. Alaida ol alty ailyq auyr jūmys üşın tek qoqan-loqy körgen.
"Bıreuge şaǧymdansam, balalaryŋdy öltıremın dep qorqytty. Menı de öltıremın dedı. Tırı qaldyrmaimyn dep qorqytty. Qūjattarymdy, tölqūjatymdy alyp kettı. Qorqytty. Sondyqtan bıreuge habarlasuǧa qoryqtym", - dedı äiel.
Zardap şekkender arnaiy qabyldau bölmesınde kömek alyp, Otanyna oraldy. Qūqyq qorǧauşylardyŋ aituynşa, şeteldıkter arasynda Qazaqstandaǧy qūldyqqa Özbekstan tūrǧyndary jiı tüsedı. Olar - köbınese er adamdar.
"2020 jyly 30 er adam men bes äielge kömek körsettık. Özbekstan bırınşı orynda, al Polşa, Resei, Qyrǧyzstannan mūndai jaǧdai sirek kezdesedı. 2021 jyly 51 er adam men toǧyz äielge kömek körsetıldı. Onyŋ ışınde 56 Özbekstan azamaty bar", - dedı "Rodnik" äleumettık-psihologiialyq oŋaltu jäne beiımdeu ortalyǧy" QQ direktory Nina Balabaeva.“Adyrna” ūlttyq portaly