| بەلگىلى سپورتشى، اۋىر اتلەتيكادان بۇرىنعى وليمپيادا چەمپيونى يليا يليننىڭ اعاسى پارا بەردى دەگەن كۇدىكپەن ۇستالدى، دەپ حابارلايدى “ادىرنا” ۇلتتىق پورتالى Orda.kz سايتىنا سىلتەمە جاساپ. |
بۇل تۋرالى جۋرناليست ميحايل كوزاچكوۆ ءوزىنىڭ Telegram-ارناسىندا حابارلادى.
«سىبايلاس جەمقورلىققا قارسى قىزمەت قىزىلوردادا وتكەن جىلى 6 ميلليون تەڭگە الىپ جاتقان جەرىندە ۇستالعان قالالىق پروكۋراتۋرانىڭ قوعامدىق مۇددەنى قورعاۋ ءبولىمىنىڭ باستىعى ءاليحان بازارباەۆتىڭ كۇردەلى شيەلەنىستەرىن اشۋدا. بەلگىلى بولعانداي، قاداعالاۋ ورگانىنىڭ قىزمەتكەرى 5 بالالار سپورت مەكتەبىنىڭ جۇمىسىنا وڭ قورىتىندى بەرۋ ءۇشىن اقشانى العان. ال وعان اقشانى بەس سپورت جەتەكشىسى – يمانبەك جۇماباەۆ، ابىلايحان اقبەرگەنوۆ، سەرىك سەكسەمباەۆ، ەربول كيكباەۆ جانە اۋىر اتلەتيكادان بۇرىنعى وليمپيادا چەمپيونى يليا ءيليننىڭ اعاسى الەكسەي يلين جينادى» دەپ جازادى ميحايل كوزاچكوۆ.
ول جاقىندا بۇل ءىس بويىنشا ۇكىم جاريالانعانىن اتاپ ءوتتى. بازارباەۆ كىنالى دەپ تانىلىپ، پارا بەرۋشىلەردىڭ جاۋاپكەرشىلىگى تۋرالى ماسەلە كوتەرىلدى.
«16 اقپاندا بەسەۋى دە ۋاقىتشا ۇستاۋ يزولياتورىنا قامالدى. ەرتەڭ بۇلتارتپاۋ شاراسىن تاڭداۋ ماسەلەسى شەشىلەدى» دەدى ول.
Orda.kz تىلشىسىمەن تەلەفون ارقىلى سويلەسكەن يلين الەكسەي دەگەن اعاسى جوق ەكەنىن ايتتى. «مەندە ونداي جوق، ءسىز قاتەلەستىڭىز» دەدى يليا يلين جانە تەلەفوندى قويدى.
بىراق، كوزاچكوۆ الەكسەي يلين وليمپيادا چەمپيونىنىڭ اعاسى ەكەنىن دالەلدەي الدى.
”ادىرنا” ۇلتتىق پورتالى
