الماتى قالاسىندا HAVAL ماركاسىنىڭ جاڭارتىلعان H6 كروسسوۆەرى تانىستىرىلدى. مودەلدىڭ باستى ەرەكشەلىگى — مۋلتيمەديالىق جۇيەنىڭ تولىقتاي قازاق تىلىندە جۇمىس ىستەۋى.
كروسسوۆەردىڭ رەسمي تانىستىرىلىمى 12 جەلتوقساندا ءوتتى. سول جيىندا Astana Motors قۇرامىنداعى Haval-دىڭ قازاقستانداعى رەسمي ديستريبيۋتورى جاڭارتىلعان HAVAL H6 مودەلىنىڭ ەل اۋماعىندا ساتىلىمعا شىققانىن حابارلادى.
جاڭا مودەل العاش رەت الماتىداعى Astana Motors Manufacturing Kazakhstan زاۋىتىندا قۇراستىرىلدى. ءوندىرىستىڭ جەرگىلىكتەندىرىلۋى ناتيجەسىندە كولىكتىڭ مۋلتيمەديالىق جۇيەسىنە قازاق تىلىندەگى ءمازىر ەنگىزىلىپ، ينتەرفەيس تولىقتاي بەيىمدەلگەن. جۇرگىزۋشى كولىك پارامەترلەرىن، ناۆيگاتسيانى، قاۋىپسىزدىك جۇيەلەرىن جانە مۋلتيمەديا باپتاۋلارىن قازاق تىلىندە باسقارا الادى.
كومپانيا وكىلدەرىنىڭ ايتۋىنشا، تىلدىك لوكاليزاتسيا جۇرگىزۋشىنىڭ كولىكپەن ءوزارا ارەكەتىن جەڭىلدەتىپ، قاۋىپسىزدىك دەڭگەيىن ارتتىرۋعا باعىتتالعان. قازاق تىلىندەگى ءمازىر جۇرگىزۋشىنىڭ نازارىن الاڭداتپاي، جۇيەنى تەز ءارى تۇسىنىكتى پايدالانۋعا مۇمكىندىك بەرەدى.
HAVAL H6 — ورتاشا كولەمدى كروسسوۆەرلەر سەگمەنتىندە الەمدىك دەڭگەيدە سۇرانىسقا يە مودەل. ول بىرنەشە جىل قاتارىنان C-SUV ساناتىندا ەڭ كوپ ساتىلعان كولىكتەردىڭ قاتارىندا بولىپ كەلەدى. جاڭا نۇسقا زاماناۋي ديزاين مەن فۋنكتسيونالدىق شەشىمدەردى بىرىكتىرەدى.
جاڭارتىلعان HAVAL H6 ەكى تۋربودۆيگاتەلمەن ۇسىنىلادى. 1,5 ليترلىك قوزعالتقىشتىڭ قۋاتى — 184 ات كۇشى، ال 2,0 ليترلىك نۇسقاسى 238 ات كۇشىنە دەيىن جەتەدى. كولىك ينتەللەكتۋالدى تولىق جەتەك جۇيەسىمەن جانە التى ءتۇرلى جۇرگىزۋ رەجيمىمەن جابدىقتالعان.
كروسسوۆەردىڭ قاۋىپسىزدىك دەڭگەيى دە كۇشەيتىلگەن. كۋزوۆتىڭ نەگىزگى بولىگى جوعارى بەرىكتى بولاتتان جاسالعان. بارلىق جيناقتامادا التى قاۋىپسىزدىك جاستىعى بار. سونىمەن قاتار جۇرگىزۋشىگە كومەكتەسەتىن ADAS L2 دەڭگەيىندەگى ەلەكتروندى جۇيەلەر كەشەنى ۇسىنىلادى.
HAVAL H6 بەس ورىندىق نۇسقادا شىعارىلادى. جۇكسالعىش كولەمى 560 ءليتردى قۇرايدى. جوعارى جيناقتامالاردا پانورامالىق شاتىر، پروەكتسيالىق ديسپلەي، ورىندىقتاردى جىلىتۋ جانە جەلدەتۋ فۋنكتسيالارى قاراستىرىلعان.
