باس پروكۋراتۋرا مەن قر ىشكى ىستەر مينيسترلىگىنىڭ قىزمەتكەرلەرى باحرەين كورولدىگىنەن 1989 ج.ت. قر ازاماتىن ەكستراديتسيالادى، دەپ حابارلايدى "ادىرنا" ۇلتتىق پورتالى.
باس پروكۋراتۋرا مالىمەتىنشە، ول باحرەين كورولدىگىندە جىنىستىق قاناۋ ماقساتىندا قر كامەلەتكە تولماعان ازاماتشاسىن ساتتى دەگەن كۇدىككە ءىلىندى.
قىلمىس جاساعاننان كەيىن كۇدىكتى قىلمىستىق قۋدالاۋ ورگاندارىنان جاسىرىنىپ، وعان حالىقارالىق ىزدەۋ جاريالاندى.
قازاقستان مەن باحرەين كورولدىگى اراسىندا ىزدەستىرىلىپ جاتقان ادامداردى ۇستاپ بەرۋ تۋرالى شارت بولماعان جاعدايدا، باس پروكۋراتۋرا باحرەين تاراپىمەن ايىپتالۋشىنى ەكستراديتسيالاۋ تۋرالى ۋاعدالاستىققا حالىقارالىق قۇقىقتا قولدانىلاتىن ءوزارا تۇسىنىستىك قاعيداتى نەگىزىندە قول جەتكىزدى.
قازىرگى ۋاقىتتا كۇدىكتى نۇر-سۇلتان قالاسىنىڭ تەرگەۋ يزولياتورىنا قامالدى.
ايتا كەتۋ كەرەك، اتالعان قىلمىسقا قاتىسى بار بىرقاتار ادامدار بۇرىن ۇزاق مەرزىمگە باس بوستاندىعىنان ايىرىلدى.
"ادىرنا" ۇلتتىق پورتالى
