"اتىراۋ مۇناي وڭدەۋ زاۋىتى" جشس-نىڭ بۇرىنعى باس ديرەكتورى شۋحرات دانباي ۇستالدى. قارجىلىق باقىلاۋ اگەنتتىگى وعان قاتىستى قىلمىستىق تەرگەۋ جۇمىستارىنىڭ جۇرگىزىلگەنىن راستادى، دەپ حابارلايدى "ادىرنا" ۇلتتىق پورتالى.
قارجىلىق باقىلاۋ اگەنتتىگىنىڭ مالىمەتىنشە، شۋحرات دانباي اتىراۋ ءموز-گە قاجەتتى قۇرىلعى الۋ ءۇشىن بولىنگەن اقشانى جىمقىرعان. ول 16 اقپاندا قىلمىستىق-پروتسەستىك كودەكستىڭ 128-بابىنا سايكەس ۇستالىپ، اتىراۋ قالاسى پوليتسيا باسقارماسىنىڭ ۋاقىتشا ۇستاۋ يزولياتورىنا قامالعان.
"اگەنتتىككتىڭ اتىراۋ وبلىسى بويىنشا اۋماقتىق دەپارتامەنتى "اتىراۋ مۇناي وڭدەۋ زاۋىتى" جشس-نىڭ بۇرىنعى باس ديرەكتورى ش.ا. دانبايعا قاتىستى قر قك-نىڭ 189-بابىنىڭ 4-ءبولىمى 2-تارماعىمەن، ياعني اتىراۋ ءموز-گە قاجەتتى قۇرىلعى الۋعا بولىنگەن اقشا قاراجاتىن جىمقىرۋ دەرەگىمەن سوتقا دەيىنگى تەرگەۋ جۇرگىزىلۋدە", - دەلىنگەن اگەنتتىك تاراتقان حابارلامادا.
سوتقا دەيىنگى تەرگەۋ جۇرگىزىلۋدە، وزگە اقپارات قىلمىستىق-پروتسەستىك كودەكستىڭ 201-بابىنا سايكەس جاريالانۋعا جاتپايدى.
"ادىرنا" ۇلتتىق پورتالى
