20 اقپاندا بەيجىڭدە وتكەن قىسقى وليمپيادا ويىندارى اياقتالىپ، قازاقستاندىق سپورتشىلاردىڭ 2022 جىلعى وليمپيادادا قانشا تابىس تاپقانى ەسەپتەلدى، دەپ حابارلايدى "ادىرنا" ۇلتتىق پورتالىنىڭ ءتىلشىسى Vesti.kz سايتىنا سىلتەمە جاساپ.
وتانداستارىمىزدىڭ اراسىندا جۇلدەگە ءبىر تابان جاقىن بولعان، جارىستىڭ اشىلۋ سالتاناتىندا ەلىمىزدىڭ كوك تۋىن ۇستاپ شىققان شورت-ترەكشى ابزال اجعاليەۆ بولدى. ول 500 مەتر قاشىقتىقتا مارە سىزىعىن ءتورتىنشى بولىپ كەستى.
سونىمەن قاتار، قازاقستان قۇراماسىنىڭ ساپىندا ابزال اجعاليەۆ، دەنيس نيكيشا، ءادىل عالياحمەتوۆ، ولگا تيحونوۆا جانە يانا حۆاندار كوماندالىق ەسەپتە بەسىنشى ورىندى يەلەندى.
وسىلايشا، اجعاليەۆ بەيجىڭدەگى ناتيجەسى ءۇشىن 40 000 اقش دوللار (17,1 ميلليون تەڭگە) سىياقى الادى. ال قالعان شورت-ترەكشىلەر 10 000 دوللاردان (4,1 ميلليون تەڭگە) قارجى الادى.
قىسقى وليمپيادا قورىتىندىسى بويىنشا قازاقستاندىق سپورتشىلار مەن باپكەرلەرگە 140 مىڭ دوللار (60 ميلليون تەڭگەگە جۋىق) قارجى بولىنەدى.
جالپى بيىلعى وليمپيادادا وتانداستارىمىز التىن العان جاعدايدا 250 مىڭ دوللار، كۇمىس جۇلدە ءۇشىن 150 مىڭ، قولا مەدالعا 75 مىڭ دوللار سىياقى الار ەدى. سونىمەن قاتار، ءتورتىنشى، بەسىنشى جانە التىنشى ورىن العان سپورتشىلار – 50 مىڭ، 10 مىڭ جانە 5 مىڭ اقش دوللار سىياقى الادى.
"ادىرنا" ۇلتتىق پورتالى
