20 aqpanda Beıjińde ótken Qysqy Olımpıada oıyndary aıaqtalyp, qazaqstandyq sportshylardyń 2022 jylǵy Olımpıadada qansha tabys tapqany esepteldi, dep habarlaıdy "Adyrna" ulttyq portalynyń tilshisi Vesti.kz saıtyna silteme jasap.
Otandastarymyzdyń arasynda júldege bir taban jaqyn bolǵan, jarystyń ashylý saltanatynda elimizdiń kók týyn ustap shyqqan short-trekshi Abzal Ájǵalıev boldy. Ol 500 metr qashyqtyqta máre syzyǵyn tórtinshi bolyp kesti.
Sonymen qatar, Qazaqstan quramasynyń sapynda Abzal Ájǵalıev, Denıs Nıkısha, Ádil Ǵalıahmetov, Olga Tıhonova jáne Iana Hvandar komandalyq esepte besinshi oryndy ıelendi.
Osylaısha, Ájǵalıev Beıjińdegi nátıjesi úshin 40 000 AQSh dollar (17,1 mıllıon teńge) syıaqy alady. Al qalǵan short-trekshiler 10 000 dollardan (4,1 mıllıon teńge) qarjy alady.
Qysqy Olımpıada qorytyndysy boıynsha qazaqstandyq sportshylar men bapkerlerge 140 myń dollar (60 mıllıon teńgege jýyq) qarjy bólinedi.
Jalpy bıylǵy Olımpıadada otandastarymyz altyn alǵan jaǵdaıda 250 myń dollar, kúmis júlde úshin 150 myń, qola medalǵa 75 myń dollar syıaqy alar edi. Sonymen qatar, tórtinshi, besinshi jáne altynshy oryn alǵan sportshylar – 50 myń, 10 myń jáne 5 myń AQSh dollar syıaqy alady.
"Adyrna" ulttyq portaly
