رەسەيدىڭ اقش-تاعى ەلشىسى اناتولي انتونوۆ امەريكالىق CBS تەلەارناسىنا ماسكەۋدىڭ باسقا ەلدەردەن اۋماقتى تارتىپ الۋعا ارەكەت جاسامايتىنىن ايتىپ، دونباسستىڭ ۋكراينانىڭ ءبىر بولىگى ەكەنىن اتاپ ءوتتى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەمە جاساپ.
"ەشقانداي باسىپ كىرۋ جوق. مۇنداي جوسپارلار دا جوق. ءبىز شەت ەلدەردىڭ ەشبىر اۋماعىن باسىپ الۋعا تىرىسپايمىز. مەن دونباسس پەن لۋگانسك ۋكراينانىڭ ءبىر بولىگى ەكەنىن راستاعىم كەلەدى. ءبىز رەسەي اۋماعىنىڭ پەريمەترى بويىنشا تىتىركەندىرگىشتەردى كورگىمىز كەلمەيدى. ءبىز ۋكراينامەن تۇراقتى، جاقسى قارىم-قاتىناسقا مۇددەلىمىز. ال ءبىزدىڭ قالاۋىمىز – لۋگانسك پەن دونباسستا تۇراتىن حالىقتاردىڭ انا تىلىندە سويلەپ، كەز كەلگەن قوعامنىڭ بارلىق قۇقىقتارىن پايدالانۋىنا مۇمكىندىك بەرۋ»، - دەدى رەسەي ديپلوماتى.
ۋكراينا شەكاراسىنا جاقىن جەردە رەسەي اسكەرلەرىنىڭ جينالۋى تۋرالى ايتا كەلە، ەلشى رەسەيدىڭ ءوز اسكەرلەرىن ەلدىڭ كەز-كەلگەن جەرىنە ورنالاستىرۋعا زاڭدى قۇقىعى بار ەكەنىن اتاپ ءوتتى.
ء"بىز ەشكىمدى قورقىتپايمىز. ءبىز اقش-تى قورقىتپايمىز، ۋكراينانى قورقىتپايمىز... دەگەنمەن، رەسەي ناتو-عا قاتىستى ۇلكەن الاڭداۋشىلىق تانىتىپ وتىر. بۇل اليانستىڭ كۇشتەرى رەسەي شەكاراسىنا جاقىنداپ قالدى", - دەدى انتونوۆ.
ەلشى سونداي-اق قىرىمنىڭ مارتەبەسى تۋرالى ماسەلە ماسكەۋ تۇرعىسىنان جابىق ەكەنىن جانە «ءبىز ونى ءتىپتى تالقىلاعىمىز دا كەلمەيدى» دەپ باسا ايتتى.
"قىرىم ماسەلەسى شەشىلدى، قىرىم ماسەلەسى ءبىز ءۇشىن جابىق. بۇل رەسەي تەرريتورياسى، ءتىپتى بۇل ماسەلەنى مۇلدەم تالقىلاعىمىز كەلمەيدى", - دەدى انتونوۆ.
ونىڭ ايتۋىنشا، ۋكراينانىڭ شىعىسىنداعى داعدارىستى "ەگەر ءسىز كيەۆتى كەلىسسوزدەر ۇستەلىنە وتىرۋعا كوندىرسەڭىز، ونى شەشۋ وتە وڭاي". ء"سىز كيەۆتى مينسك كەلىسىمدەرىن ورىنداۋعا سەندىرۋىڭىز كەرەك", - دەدى رەسەيدىڭ اقش-تاعى ەلشىسى.
"ادىرنا" ۇلتتىق پورتالى
