ءىس ماتەريالدارىنان انىقتالعانداي، 2021 جىلدىڭ ناۋرىز ايىندا جابىرلەنۋشىنىڭ ءوتىنىشى بويىنشا سوتتالۋشى ءوز اتىنان بانكتەن نەسيە العان، ونى جابىرلەنۋشىنىڭ ءوزى تولەۋى ءتيىس بولعان. الايدا كەيىن ايەل نەسيە تولەۋدەن باس تارتىپ، ولاردىڭ اراسىندا كيكىلجىڭ تۋىنداعان.
- 25 قاراشادا سوتتالۋشى جابىرلەنۋشىمەن كەزدەسىپ، ونىڭ ارەكەتىنە اشۋلانىپ، وعان بىرنەشە رەت پىشاق سۇعىپ، وقيعا ورنىنان بوي تاسالاعان. اۋىر دەنە جاراقاتىنان ەسىنەن تانىپ قالعان ايەل وقيعا ورنىندا كوز جۇمدى. باستى سوت تالقىلاۋىندا سوتتالۋشى ءوز كىناسىن تولىق مويىندادى، ىستەگەن ىسىنە وكىندى. سوتتالۋشىنىڭ كىناسى جابىرلەنۋشىنىڭ، كۋالاردىڭ ايعاقتارىمەن، سونداي-اق ساراپتاما قورىتىندىسىمەن جانە بەينەجازبالارمەن راستالادى، - دەلىنگەن ۇكىمدە.
پروكۋرور سوتتالۋشىعا 10 جىلعا باس بوستاندىعىنان ايىرۋ جازاسىن تاعايىنداۋدى سۇرادى. جابىرلەنۋشى تاراپ سوتتان كىسى ءولتىرۋشىنى زاڭنىڭ قاتاڭدىعى بويىنشا جازالاۋدى سۇرادى.
ايتا كەتەيىك، مارقۇمنىڭ ارتىندا جەتى بالاسى قالدى، ەڭ كىشىسى نەبارى بەس جاستا. سوت ۇكىمىمەن ەر ادام كىسى ولتىرگەنى ءۇشىن كىنالى دەپ ەسەپتەلىپ، 10 جىلعا باس بوستاندىعىنان ايىرىلدى. سوت ۇكىمى زاڭدى كۇشىنە ەنگەن جوق.
"ادىرنا" ۇلتتىق پورتالى
