مەملەكەتتىك باسىلىم قاڭتار قىرىعىنان كەيىن قاماۋدا وتىرعان التى ادامنىڭ قايتىس بولعانى تۋرالى جازدى، دەپ حابارلايدى “ادىرنا” ۇلتتىق پورتالى Orda.kz سايتىنا سىلتەمە جاساپ.
«جاقىندا عانا ءبىز تەرگەۋگە رۇقسات ەتىلمەگەن انىقتاۋ ادىستەرىن قولدانۋ فاكتىلەرى بويىنشا قىلمىستىق ىستەردى قابىلدادىق. بۇرىن ولاردى تەرگەۋمەن سىبايلاس جەمقورلىققا قارسى قىزمەت ورگاندارى اينالىسقان. بىزگە مۇنداي ىستەردىڭ بارلىعى بەرىلمەدى، تەك اۋىر زارداپتار، دالىرەك ايتقاندا، ۇستالعانداردىڭ ءولىمى تىركەلگەن جاعدايلار بويىنشا عانا. ءبىزدىڭ مالىمەتتەرىمىز بويىنشا، مۇنداي جاعدايدا الماتى ۋۇي جاعدايىندا ەكى ادام، شىعىس قازاقستان وبلىسىندا ءۇش ادام جانە تالدىقورعاندا ءبىر ادام قازا تاپقان» دەپ حابارلادى ريزابەك وجاروۆ.
سونداي-اق، ونىڭ ايتۋىنشا، قاداعالاۋ ورگانى تالدىقورعاننىڭ تۇرعىنىنا قاتىستى ۇتىك قولدانۋمەن بايلانىستى ازاپتاۋ تۋرالى رەزونانستىق ءىستى العان. اڭگىمە قازاقستاننىڭ ءبىرىنشى پرەزيدەنتى نۇرسۇلتان نازارباەۆتىڭ ەسكەرتكىشىن بۇزۋعا قاتىسقان ازامات باتىرباەۆ تۋرالى بولىپ وتىر. ارنايى پروكۋرور ناقتىلاعانداي، ول ءالى دە تەرگەۋ يزولياتورىندا.
«اتالعان فاكتىلەر بويىنشا تەرگەۋ جالعاسۋدا، ولاردىڭ ناتيجەلەرى تۋرالى مىندەتتى تۇردە حابارلايمىز. بىراق مۇنداي قىلمىستار جاپپاي سيپاتقا يە ەمەس دەپ ايتا الامىن» دەپ سەندىردى وجاروۆ.
