Memlekettık basylym Qaŋtar qyryǧynan keiın qamauda otyrǧan alty adamnyŋ qaitys bolǧany turaly jazdy, dep habarlaidy “Adyrna” ūlttyq portaly Orda.kz saityna sılteme jasap.
Bas prokuraturanyŋ arnaiy prokurorlar qyzmetınıŋ bastyǧy Rizabek Ojarov qaitys bolǧandar turaly aqparatty «Kazahstanskaia pravda» gazetıne bergen sūhbatynda aityp bergen.
«Jaqynda ǧana bız tergeuge rūqsat etılmegen anyqtau ädısterın qoldanu faktılerı boiynşa qylmystyq ısterdı qabyldadyq. Būryn olardy tergeumen sybailas jemqorlyqqa qarsy qyzmet organdary ainalysqan. Bızge mūndai ısterdıŋ barlyǧy berılmedı, tek auyr zardaptar, dälırek aitqanda, ūstalǧandardyŋ ölımı tırkelgen jaǧdailar boiynşa ǧana. Bızdıŋ mälımetterımız boiynşa, mūndai jaǧdaida Almaty UŪİ jaǧdaiynda ekı adam, Şyǧys Qazaqstan oblysynda üş adam jäne Taldyqorǧanda bır adam qaza tapqan» dep habarlady Rizabek Ojarov.Sondai-aq, onyŋ aituynşa, qadaǧalau organy Taldyqorǧannyŋ tūrǧynyna qatysty ütık qoldanumen bailanysty azaptau turaly rezonanstyq ıstı alǧan. Äŋgıme Qazaqstannyŋ bırınşı prezidentı Nūrsūltan Nazarbaevtyŋ eskertkışın būzuǧa qatysqan Azamat Batyrbaev turaly bolyp otyr. Arnaiy prokuror naqtylaǧandai, ol älı de tergeu izoliatorynda.
«Atalǧan faktıler boiynşa tergeu jalǧasuda, olardyŋ nätijelerı turaly mındettı türde habarlaimyz. Bıraq mūndai qylmystar jappai sipatqa ie emes dep aita alamyn» dep sendırdı Ojarov.
“Adyrna” ūlttyq portaly
