«بىرىڭعاي جيناقتاۋشى زەينەتاقى قورى» اق ەلىمىزدەگى ەڭ جوعارعى زەينەتاقى مولشەرىن، سول سياقتى تۇرعىن ءۇي جاعدايىن جاقسارتۋ مەن دەنساۋلىعى ءۇشىن قازاقستاندىقتار جىل باسىنان بەرى قوردان قانشا قاراجات العانىن مالىمدەدى دەپ حابارلايدى “ادىرنا”.
turkystan.kz.مالىمدەمەسىنشە، جىل باسىنان بەرى بجزق ءوز سالىمشىلارىنا 113,2 ملرد تەڭگە تولەگەن. اتاپ ايتقاندا، جاسىنا بايلانىستى تولەمدەر – 6,6 ملرد تەڭگە، مۇراگەرلىك بويىنشا تولەمدەر – 3,8 ملرد تەڭگە، قر شەگىنەن تىس تتج كەتۋگە بايلانىستى تولەمدەر – 3,5 ملرد تەڭگە، ساقتاندىرۋ ۇيىمدارىنا اۋدارىمدار شامامەن 1,6 ملرد تەڭگە، جەرلەۋگە ارنالعان تولەمدەر – 0,4 ملرد تەڭگە جانە مۇگەدەكتىك بويىنشا تولەمدەر – 0,2 ملرد تەڭگەنى قۇراعان.
«قاراجاتتىڭ 97 ميلليارد تەڭگەسى، ياعني ونىڭ باسىم بولىگى تۇرعىن ءۇي جاعدايىن جاقسارتۋ جانە ەمدەۋ ماقساتتارىنا ارنالعان بىرجولعى زەينەتاقى تولەمدەرى. بجزق-دان كەستە بويىنشا اي سايىنعى ورتاشا تولەم (زەينەت جاسىنا تولۋىنا بايلانىستى) 29 200 تەڭگە بولسا، ال اي سايىنعى ەڭ جوعارى تولەم 548 741 تەڭگە بولدى»، – دەلىنگەن اكتسيونەرلىك قوعامنىڭ حابارلاماسىندا.
”ادىرنا” ۇلتتىق پورتالى
