ۋكراينا قارۋلى كۇشتەرى كيەۆ وبلىسىنداعى گوستومەل ماڭىنداعى «قادىروۆتىق» پولكتى ارتيللەريامەن شابۋىلدادى. بۇل تۋرالى ۋكراينالىق «24 كانال» تەلەارناسى حابارلادى، دەپ جازادى "ادىرنا" ۇلتتىق پورتالى orda.kz-كە سىلتەمە جاساپ.
قادىروۆ گۆاردياسىنىڭ 141-ءشى موتواتقىشتار پولكىنىڭ باستىعى ماگومەد تۋشاەۆتىڭ كوزى جويىلدى. گوستومەل ماڭىندا (كيەۆ وبلىسى) «قادىروۆتىقتارمەن» شايقاس كەزىندە ۋكراينا قارۋلى كۇشتەرى شەشەن اسكەريلەرىنە اۋىر سوققى جاسادى.
جوعارعى رادانىڭ حالىق دەپۋتاتى الەكسەي گونچارەنكو «Facebook» الەۋمەتتىك جەلىدەگى پاراقشاسىندا ۋكراينا ارمياسىنىڭ گوستومەلدەگى بولىمشەلەرى «قادىروۆتىقتار» تۇتقىنىن تىزە بۇكتىرگەن كۇيىندە العانىن اتاپ ءوتتى.
دەرەككوزدەر قاقتىعىس كەزىندە ۋكراينا اسكەرى بولىمشەلەرى شەشەنستان ۇلتتىق گۆاردياسىنىڭ 141-ءشى موتواتقىشتار پولكىنىڭ باستىعى شەشەن گەنەرالى ماگومەد تۋشاەۆتى جويعانىن حابارلادى. بۇل قادىروۆتىڭ ەليتالىق بولىمشەلەرىنىڭ ءبىرى.
«قادىروۆشىلار» پولكىنىڭ تالقاندالۋى جانە ماگومەد تۋشاەۆتىڭ قايتىس بولعانى تۋرالى اقپاراتتى ءوزىنىڭ Telegram-ارناسىندا كيەۆتى قورعاۋعا قاتىساتىن ۋكراين ۇلتشىلدارىنىڭ جەتەكشىسى ەۆگەني كاراس راستادى.
كەلىپ تۇسكەن اقپاراتقا سايكەس، ۋكراينا قارۋلى كۇشتەرىنىڭ ارتيللەرياسى شەشەن پولكىن جويدى. قازا تاپقان شەشەن جالدامالىلارىنىڭ مايىتتەرى گوستومەل ماڭىنان تابىلدى.
"ادىرنا" ۇلتتىق پورتالى
