مۇمكىندىكتەرى شەكتەۋلى ادامداردىڭ قۇقىقتارىن قورعاۋشىسى، قوعام قايراتكەرى الماز ەرجان «قازاقستان حالقىنا» قورى قامقورشىلىق كەڭەسىنىڭ قۇرامىنان شىقتى، دەپ حابارلايدى "ادىرنا" ۇلتتىق پورتالى ulysmedia.kz-كە سىلتەمە جاساپ.
بۇل تۋرالى ول فەيسبۋك پاراقشاسىنا جازدى.
«ماعان ارتقان سەنىمدەرىڭىز ءۇشىن تاعى دا بارلىعىڭىزعا العىس ايتقىم كەلەدى. مەن ەل پرەزيدەنتى قۇرعان «قازاقستان حالقىنا» قورىنىڭ قامقورشىلىق كەڭەسىنىڭ قۇرامىنان شىعاتىنىمدى حابارلايمىن. سەبەپتەر: جەكە وزىمە پايدا جوق! سونىمەن قاتار، باسقا ادامداردىڭ ميللياردتاعان اقشاسىنا تەگىن جاۋاپ بەرگىم كەلمەيدى. بىردەن ايتا كەتۋ كەرەك، مەنى ەشكىم قۋىپ جىبەرمەدى، مەنى ەشكىم قىسپاققا المادى، ەشكىم كوندىرمەدى، قوڭىراۋ شالمادى، ت.ب.»، - دەپ جازدى الماز ەرجان.
ول بۇل شەشىمدى 100% ءوزىم قابىلداعانىن جازدى.
«مەنىڭ قورعا نەمەسە ولاردىڭ قور مۇشەلەرىنە ەشقانداي تالاپتارىم نەمەسە كەلىسپەۋشىلىكتەرىم جوق. كەلەسى جولى الماز ەرجاننىڭ وسىنداي جوباعا قاتىسۋىن قالاساڭىز6 الدىمەن ونى وسىنداي جوبانىڭ توراعاسى نەمەسە باسشىسى ەتىپ تاعايىنداپ، وعان ءوز كومانداسىن جيناۋعا مۇمكىندىك بەرۋدى ۇسىنامىن. سودان كەيىن مەن سىزگە ءاربىر تيىن ءۇشىن جاۋاپ بەرەمىن. بارشاڭىزعا ماعان سەنىم ارتقاندارىڭىزعا كوپ راحمەت!»، - دەپ جازدى ول.
ەسكە سالا كەتسەك، 16 قاڭتاردا «قازاقستان حالقىنا» قوعامدىق قورىندا قامقورشىلىق كەڭەس جاڭا قۇرامدا سايلاندى. قامقورشىلىق كەڭەس قۇرامىنا بەلگىلى مەملەكەت جانە قوعام قايراتكەرلەرى، ازاماتتىق قوعام وكىلدەرى، مەتسەناتتار مەن ەلىمىزدىڭ بەدەلدى ازاماتتارى كىردى.
"ادىرنا" ۇلتتىق پورتالى
