Mümkındıkterı şekteulı adamdardyŋ qūqyqtaryn qorǧauşysy, qoǧam qairatkerı Almaz Erjan «Qazaqstan halqyna» qory qamqorşylyq keŋesınıŋ qūramynan şyqty, dep habarlaidy "Adyrna" ūlttyq portaly ulysmedia.kz-ke sılteme jasap.
Būl turaly ol Feisbuk paraqşasyna jazdy.
«Maǧan artqan senımderıŋız üşın taǧy da barlyǧyŋyzǧa alǧys aitqym keledı. Men el Prezidentı qūrǧan «Qazaqstan halqyna» qorynyŋ qamqorşylyq keŋesınıŋ qūramynan şyǧatynymdy habarlaimyn. Sebepter: Jeke özıme paida joq! Sonymen qatar, basqa adamdardyŋ milliardtaǧan aqşasyna tegın jauap bergım kelmeidı. Bırden aita ketu kerek, menı eşkım quyp jıbermedı, menı eşkım qyspaqqa almady, eşkım köndırmedı, qoŋyrau şalmady, t.b.», - dep jazdy Almaz Erjan.Ol būl şeşımdı 100% özım qabyldaǧanyn jazdy.
«Menıŋ qorǧa nemese olardyŋ qor müşelerıne eşqandai talaptarym nemese kelıspeuşılıkterım joq. Kelesı joly Almaz Erjannyŋ osyndai jobaǧa qatysuyn qalasaŋyz6 aldymen ony osyndai jobanyŋ töraǧasy nemese basşysy etıp taǧaiyndap, oǧan öz komandasyn jinauǧa mümkındık berudı ūsynamyn. Sodan keiın men sızge ärbır tiyn üşın jauap beremın. Barşaŋyzǧa maǧan senım artqandaryŋyzǧa köp rahmet!», - dep jazdy ol.Eske sala ketsek, 16 qaŋtarda «Qazaqstan halqyna» Qoǧamdyq qorynda Qamqorşylyq keŋes jaŋa qūramda sailandy. Qamqorşylyq keŋes qūramyna belgılı memleket jäne qoǧam qairatkerlerı, azamattyq qoǧam ökılderı, mesenattar men elımızdıŋ bedeldı azamattary kırdı.
"Adyrna" ūlttyq portaly
