رەسەي مەن ۋكراينا اراسىنداعى كەلىسسوزدەر اياقتالدى. بەس ساعاتقا سوزىلعان كەلىسسوزدەر بەلارۋس ەلىندە ءوتتى.
تاراپتار ۋكراينا جەرىندە دەرەۋ اتىستى توقتاتۋ بويىنشا پىكىر الماسقان. سونىمەن قاتار كەلىسسوزدەردىڭ ەكىنشى راۋندى دا ءوتۋى مۇمكىن. قازىرگى ۋاقىتتا تاراپتار كەلىسسوزدەر بويىنشا كەڭەسۋ ءۇشىن ەلدەرىنە كەتتى.
وسى رەتتە پۋتين ءوزىنىڭ پوزيتسياسىن ايتتى. پۋتين ونى فرانتسيا باسشىسى ماكرونعا جەتكىزگەن. پۋتين ۋكراينا قىرىمدى رەسەيدىكى دەپ مويىنداۋىن، شەكارانى قايتا ءبولۋ مەن نەوناتسيزمدى جويۋ كەرەكتىگىن ايتىپتى.
ال زەلەنسكي بولسا ەۋروپالىق وداققا كىرۋ ءۇشىن ارنايى قۇجاتقا قول قويىپ، رەسمي قۇجاتتى جولدادى.
“ادىرنا” ۇلتتىق پورتالى
