قازاقستاننىڭ بىرىككەن ۇلتتار ۇيىمى جانىنداعى تۇراقتى وكىلى قايرات وماروۆ سيرياداعى جاعدايعا ارنالعان بۇۇ قاۋىپسىزدىك كەڭەسىنىڭ وتىرىسىندا تاراپتاردى بۇۇ جارعىسىن جانە حالىقارالىق قۇقىقتى بۇزباۋعا شاقىردى، - دەپ حابارلايدى Tengrinews.kz ءتىلشىسى. "قازاقستان تاراپتاردى بۇۇ جارعىسىن جانە حالىقارالىق قۇقىقتى بۇزباۋعا شاقىرادى. ءبىز دۋماداعى حيمشابۋىلدارعا قاتىستى جاعداي بويىنشا بۇۇ قك مۇشەلەرى اراسىنداعى بىرلىكتىڭ جوقتىعىنا الاڭداۋشىلىق تانىتامىز. قازاقستان حيمقارۋدى قولدانۋدى ايىپتايدى جانە زەرتتەۋ جۇرگىزۋ قاجەت دەپ ەسەپتەيدى", - دەلىنگەن حابارلامادا. سونىمەن قاتار، وماروۆ سيرياداعى جاعدايدى ساياسي رەتتەۋ جولدارىن ىزدەستىرۋ بويىنشا استانا جانە جەنەۆا پروتسەستەرىنىڭ مىندەتتەرىن ودان ءارى قولداۋ كەرەك ەكەنىن مالىمدەدى. ەسكە سالا كەتەيىك، 14 ساۋىردە تاڭەرتەڭ اقش، ۇلىبريتانيا جانە فرانتسيا ەلدەرى سيريالىق ۇكىمەتتىك نىسانداردى زىمىراندارمەن اتقىلادى، ولاردىڭ ويىنشا، سول نىساندار حيميالىق قارۋدى ءوندىرۋ ءۇشىن پايدالانىلادى. سيرياعا جۇزدەن اسا زىمىران تاستالدى.
Tengrinews.kz
