كاحا بەندۋكيدزەنىڭ ۋكراينا تۋرالى ءدارىسى بار. سوندا ءازىل-شىنى ارالاستىرا بىلاي دەيتىن جەرى بار:
- "ەسكى وسيەتتە" نە "جاڭا وسيەتتە" ۋكراينا ماڭگىلىك ەل بوپ تۇرادى دەگەن ءسوز بار ما؟ جوق. وندا نەگە سەنىمدىسىڭدەر؟ ۋكراينانىڭ بولاشاعى بۇلدىر.
بۇل قاتەلەسپەسەم 2014 نە 2015 جىلى ايتقانى. كەيىن گوردونعا كەلىپ سۇحبات بەرگەن ءوزى ۋكراينادان شىقسا دا قازىر امەريكادا تۇراتىن ەۆرەي دە ۋكراينا ءالى بىرنەشە بولىككە بولىنەدى، پولشا مەن تۇركيا كەرەگىن الادى دەگەندى ايتتى. ءبىزدىڭ وسكەمەننەن شىققان البەرت كوح دونباس پەن لۋانسكىدەن باس تارتا سالىڭدار دەدى. راسىندا دا ەڭ دۇرىس شەشىم سول بولۋى مۇمكىن بە ەدى. بىراق وعان ۋكراينا حالقى ءومىرى كەلىسپەس ەدى. مايدان ۇيىمداستىرىپ، توڭكەرىپ تاستايمىز دەپ وتىرىپ الدى. بۇگىنگى سوعىس ۋكراينا حالقىنىڭ ءوز تاڭداۋى دەگەن ءسوز.
زەلەنسكي ەۆرەي قانى بار وتباسىنان شىققان بالا ەدى. اكەسى مىقتى عالىم. ءوزى دە بالا كۇنىنەن العىر بوپ، يزرايلدە وقۋعا جولداما العان. بىراق اكەسى جىبەرمەي قويعان. اعىلشىن ءتىلىن تەرەڭدەتىپ وقىتاتىن مەكتەپتە وقىعان، اۋىر اتلەتيكامەن شۇعىلدانعان.
جاس كۇنىنەن كۆن-گە قاتىسىپ، بۋىنى بەكىگەن سوڭ "95-كۆارتال" كومانداسىن قۇرعان. ونىسى كەيىن ۇلكەن ستۋدياعا اينالدى. جۇزدەگەن ادام جۇمىس ىستەيتىن، تمد كولەمىندە وتە تابىستى كومپانيا بولدى. 2014-تە رەسەي مەن ۋكراينا اراسى بۇزىلعاندا ءوز ەلىنىڭ پوزيتسياسىن قولداپ، رەسەيمەن اراسىن ءۇزدى. ەرىكسىز ساياساتقا ارالاسقانى سول كەز ەدى.
2019-دا وتكەن سايلاۋعا قاتىسىپ، پرەزيدەنت بولدى. ەلى ودان كوپ ءۇمىت كۇتتى. بىراق سااكاشۆيلي سەكىلدى رەفورما جاساي العان جوق. دونباس پەن لۋگانسكىدەگى جاعدايدى دا رەتتەي المادى. ادمينستراتسيا باسشىسىن ەكى رەت، پرەمەر ءمينيسترى 3-4 رەت اۋىستىردى-اۋ دەيم. ءوزى قۇرعان "سلۋگا نارودا" پارتياسى ءوزى قولدايتىن زاڭداردى وتكىزبەي، قانىن ءىشتى. ءوزىن و باستا قولداعان ادامدار كەيىن قارسى سويلەي باستادى.
ءوستىپ جۇرگەندە سوعىس وتى تۇتاندى.
قالاي بولعاندا دا زەلەنسكي پۋتينگە ساتىلماعانى انىق بولدى. وسى سوعىستان ۋكراينا ەلدىگىن ساقتاپ شىقسا ەكەن. زەلەنسكي مۇلدە باسقا دەڭگەيدەگى پرەزيدەنت بولىپ شىعارىنا سەنىمدىمىن.
و باستا پرەزيدەنتتىكتەن كەتكەن سوڭ "95-كۆارتالعا" قايتىپ ورالامىن دەگەن. وسىدان جارتى جىلداي بۇرىن بۇرىنعى ارىپتەسى ەندى زەلەنسكي كەلەدى دەگەنگە سەنبەيمىن، ول باسقا دەڭگەيگە شىعىپ كەتتى دەگەن. ەندى ءتىپتى باسقا دەڭگەيدەگى تۇلعاعا اينالادى.
اگاراكي وسى سوعىستان جەڭىپ شىقسا، ءوز ەلىنىڭ ديكتاتورىنا اينالىپ شىعا كەلۋى دە عاجاپ ەمەس. بىراق تاعى ءبىر كەزەڭدى عانا وتكىزىپ، زاڭ بويىنشا كەتە قويسا، ۋكراينانىڭ اكەسىنە اينالادى. بىراق ول ءۇشىن جەڭۋ كەرەك.
جەڭىلىپ قالسا، ونى دا كورەر. ەر رەتىندە سوڭىنا دەيىن تۇرسا بولدى. تۇرادى دەپ ويلايمىن. مىقتى جىگىت ەكەن اكەسىنىڭ اۋزى..
