Kaha Bendýkıdzeniń Ýkraına týraly dárisi bar. Sonda ázil-shyny aralastyra bylaı deıtin jeri bar:
- "Eski ósıette" ne "Jańa ósıette" Ýkraına máńgilik el bop turady degen sóz bar ma? Joq. Onda nege senimdisińder? Ýkraınanyń bolashaǵy buldyr.
Bul qatelespesem 2014 ne 2015 jyly aıtqany. Keıin Gordonǵa kelip suhbat bergen ózi ýkraınadan shyqsa da qazir amerıkada turatyn evreı de Ýkraına áli birneshe bólikke bólinedi, Polsha men Túrkııa keregin alady degendi aıtty. Bizdiń Óskemennen shyqqan Albert Koh Donbas pen Lýanskiden bas tarta salyńdar dedi. Rasynda da eń durys sheshim sol bolýy múmkin be edi. Biraq oǵan Ýkraına halqy ómiri kelispes edi. Maıdan uıymdastyryp, tóńkerip tastaımyz dep otyryp aldy. Búgingi soǵys Ýkraına halqynyń óz tańdaýy degen sóz.
Zelenskıı evreı qany bar otbasynan shyqqan bala edi. Ákesi myqty ǵalym. Ózi de bala kúninen alǵyr bop, Izraılde oqýǵa joldama alǵan. Biraq ákesi jibermeı qoıǵan. Aǵylshyn tilin tereńdetip oqytatyn mektepte oqyǵan, aýyr atletıkamen shuǵyldanǵan.
Jas kúninen KVN-ge qatysyp, býyny bekigen soń "95-kvartal" komandasyn qurǵan. Onysy keıin úlken stýdııaǵa aınaldy. Júzdegen adam jumys isteıtin, TMD kóleminde óte tabysty kompanııa boldy. 2014-te Reseı men Ýkraına arasy buzylǵanda óz eliniń pozıııasyn qoldap, Reseımen arasyn úzdi. Eriksiz saıasatqa aralasqany sol kez edi.
2019-da ótken saılaýǵa qatysyp, Prezıdent boldy. Eli odan kóp úmit kútti. Biraq Saakashvılı sekildi reforma jasaı alǵan joq. Donbas pen Lýganskidegi jaǵdaıdy da retteı almady. Admınstraııa basshysyn eki ret, premer mınıstri 3-4 ret aýystyrdy-aý deım. Ózi qurǵan "Slýga naroda" partııasy ózi qoldaıtyn zańdardy ótkizbeı, qanyn ishti. Ózin o basta qoldaǵan adamdar keıin qarsy sóıleı bastady.
Óstip júrgende soǵys oty tutandy.
Qalaı bolǵanda da Zelenskıı Pýtınge satylmaǵany anyq boldy. Osy soǵystan Ýkraına eldigin saqtap shyqsa eken. Zelenskıı múlde basqa deńgeıdegi Prezıdent bolyp shyǵaryna senimdimin.
O basta prezıdenttikten ketken soń "95-kvartalǵa" qaıtyp oralamyn degen. Osydan jarty jyldaı buryn burynǵy áriptesi endi Zelenskıı keledi degenge senbeımin, ol basqa deńgeıge shyǵyp ketti degen. Endi tipti basqa deńgeıdegi tulǵaǵa aınalady.
Ágárakı osy soǵystan jeńip shyqsa, óz eliniń dıktatoryna aınalyp shyǵa kelýi de ǵajap emes. Biraq taǵy bir kezeńdi ǵana ótkizip, zań boıynsha kete qoısa, Ýkraınanyń ákesine aınalady. Biraq ol úshin jeńý kerek.
Jeńilip qalsa, ony da kórer. Er retinde sońyna deıin tursa boldy. Turady dep oılaımyn. Myqty jigit eken ákesiniń aýzy..
