Bügın tūŋǧyş Prezident saiabaǧyna baryp ışıne kıre almai, qasyndaǧy kanaldy boilap qydyrystap qaittym. Qazır mūnda kürdelı jöndeu jūmystary jürıp jatyr. Soǧan orai barlyq esıgın tars jauyp tastapty.
Ertede būl jer tau etegındegı sovhozdardyŋ bırınıŋ qūlpynai ösıretın bau-baqşasy bolatyn.
Toqsanynşy jyldardyŋ qiyn şaǧynda balalardy ertıp baryp, şaruaşylyqqa da qolqabysymyzdy tigızıp, özımızge de tiesılı nesıbemızdı terıp qaitatynbyz. Balalar eŋbektıŋ ne ekendıgın bılıp össın degenımız ǧoi. Al odan bız de şarşap qalǧan joqpyz,
Endı täuelsızdıkke qol jetkızıp häm öz qolymyz öz auyzymyzǧa jete bastaǧan şaqta osy jerde tūŋǧyş Prezident saiabaǧy aşylǧan. Dūrys qoi eŋbegı eskerılgenı deskenbız bärımız de. Sonsoŋ mūnda elbasynyŋ eskertkışı ornatylǧan. Endı tırı adamǧa eskertkış aşylǧany qalai dep oilanyp qalǧanbyz. Al odan keiıngı oqiǧalardy özderıŋız de bılesızder, sondyqtan sonyŋ bärın tızbektep aitpai-aq qoiaiyn.
Osy saiabaq jyl aiaǧyna deiın öz mänı men sänınde qaitadan jaŋartylyp aşylatyn sekıldı. Soǧan orai öz tarapymnan mynadai ūsynys aitsam deimın. Iаǧni, jaŋartylyp aşylaiyn dep jatqan saiabaqqa Alaş saiabaǧy degen at berılse deimın. Olai bolmaǧan jaǧdaida Täuelsızdık iaki Respublika saiabaǧy degen de ūsynysym bar. Jaŋa Qazaqstanǧa, jaŋaryp jatqan saiabaqqa osy ataulardyŋ bırı laiyq pa deimın. Al sızder ne deisızder?!
