Qazır elımızde qūrylys sany artty. Jaqyn aralyqta tıptı qūrylys köbeimek. Mektepter, auruhana, emhana, jol, temırjoldar salynyp jatyr. Äuejailar da boi köterude. Jaqynda ǧana Arqalyqta äuejai aşyldy. Däl sondai äuejai bırneşe aimaqta salynyp jatyr. Sonymen bırge su qūbyrlary, energetika nysandary, öndırıs oşaqtary da salynuda. Qūrylystyŋ köp bolǧany jaqsy.
Bırınşıden, būl jūmys orny degen söz. Qūrylys nysanyn saluǧa sol aimaqtyŋ halqy jūmysqa tartylady. Ekınşıden, öndırıs oşaqtaryna da tapsyrys artady. Qūrylysqa qajettı tas, sement, temır jäne basqany şyǧaru köbeiedı. Ol materialdy tasu üşın transport salasyndaǧy mamandarǧa tapsyrys artady. Olar da jūmysqa ie bolady. Qyzmet körsetu salasynyŋ da saudasy jüredı degendei. Jalpy ırı qūrylys nysany tızbektı deŋgeide bırneşe salaǧa jūmys beredı ǧoi. Osylai kete beredı.
Auqymdy qūrylystar memleket esebınen jürgızıledı. Joldar, köpırler, bögetter men mektepter salynady. Būl azamattardy jūmyspen qamtuǧa sep bolady. Qūrylystyŋ köp boluy esebınen zauyttarǧa tapsyrys artady. Būl öz kezegınde qūiylatyn investisiiany ūlǧaitady.
Osylaişa ekonomikanyŋ naqty sektoryna qarjy aǧymy ūlǧaia beredı. Halyq qarajatynyŋ bır bölıgın tauar aluǧa jūmsaidy. Säikesınşe sauda jäne qyzmet körsetu salasyna qatysty tapsyrys ta artady.
Auqymdy qūrylystar bır jaǧynan halyqty jūmyspen qamtuǧa, al bır jaǧynan infraqūrylymdy jaŋartuǧa, endı bır jaǧynan aqşa tüsımın arttyruǧa sebepker bolady.
Jalpy auqymdy qūrylys nysandary tek bır ǧimarat salu, qūbyr töseumen şektelmeidı. Ol tızbektı reaksiia retınde ekonomikanyŋ türlı salasyna jan bıtıredı. Işkı sūranysty arttyrady (zauyttarǧa), qyzmet körsetu salasyn küşeitedı (transport pen tasymaldau salasy, jol boiyndaǧy ashana jäne basqa degendei), infraqūrylymdy küşeitedı. Bastysy salynatyn nysandardyŋ sapasyn, qajettılıgın jäne qarjylyq sipatyn qataŋ qadaǧalap otyru kerek. Salynatyn nysannyŋ sol aimaqqa qajettılıgın de zertteu maŋyzdy. Mysaly 20 adam tūratyn auylǧa mlrd teŋgelık mektep salyp qoimau kerek degendei ǧoi. Osyndai tūstaryn baqylap, naqty eseppen jürgızılse, auqymdy qūrylystar ekonomika üşın öte maŋyzdy qozǧauşy küş bola alady.
