Qaraǧandyda 4 jyl būryn salynǧan jaŋa mektep oquşylarǧa qauıp töndırıp otyr, dep habarlady “Adyrna” ūlttyq portaly "Astana TV" telearnasyna sılteme jasap.
Köru qabıletı būzylǧan balalarǧa arnalǧan mektep qūlai bastady. Qabyrǧasynda jaryq paida boldy, betonnyŋ qorǧanyş qabaty qūlady, tıptı armatura da aşyldy.
Mektep qūrylysyna biudjetten 1,5 milliard teŋge jūmsalǧan.
Mamandar pandemiia balalardy qandai da tötenşe jaǧdaidan saqtap qalǧanyn aitty. Sebebı sabaqtar onlain jürgendıkten, der kezınde saraptama jürgızıp, qabyrǧalardy, şatyr men edendı tolyq teksergen. Sot mektep-internattyŋ jūmysyn toqtatty.
"Sportzal, synyptar, jatyn bölme jaqtyŋ şatyry qauıptı jaǧdaida tūr. Ǧimarattan ülken jaryq anyqtaldy. Ol bırşama qisaidy, būl balalar men qyzmetkerlerdıŋ ömırı men densaulyǧyna qauıp töndıredı. Eŋ bastysy – sot şeşımı. Şeşım boiynşa mektep ǧimaraty aumaǧyna keluge tyiym salynǧan", - dep habarlady Qaraǧandy oblysy bılım basqarmasynyŋ bas mamany Liudmila Gavrilenko. Bılım basqarmasynyŋ habarlauynşa, tegın jöndeu jürgızuge berılgen kepıldık merzımı aiaqtaldy. Alaida qūrylysşylar qarjylyq jauapkerşılıkke tartylady.Al mektep basşylyǧy şūǧyl türde 100 oquşy men 113 mūǧalımge arnalǧan jaŋa ǧimarat ızdep jatyr. Al mektepke olar kürdelı jöndeuden keiın ǧana oralady.
"Bız būl jer tolyq qauıpsız bolǧan kezde ǧana oralamyz. Erekşe balalar üşın mekteptı ar-ūiatpen salu kerek edı. Bolar ıs boldy. Qazır tolyq qalpyna keltıru üşın smeta daiyndalyp jatyr. Däl qazır qanşa qarajat qajet ekenın aitu qiyn. Alaida bız būl mektepke kelesı oqu jylynda oraludy josparlap otyrmyz", - dedı köru qabıletı būzylǧan balalarǧa arnalǧan №1 mektep-internatynyŋ direktory Aiman Tılegenova.
Ūqsas jaŋalyqtar
