4 جىل بۇرىن سالىنعان مەكتەپ قۇلاعالى تۇر

4386
Adyrna.kz Telegram

قاراعاندىدا 4 جىل بۇرىن سالىنعان جاڭا مەكتەپ وقۋشىلارعا قاۋىپ ءتوندىرىپ وتىر، دەپ حابارلادى “ادىرنا” ۇلتتىق پورتالى "استانا تۆ" تەلەارناسىنا سىلتەمە جاساپ. 

كورۋ قابىلەتى بۇزىلعان بالالارعا ارنالعان مەكتەپ قۇلاي باستادى. قابىرعاسىندا جارىق پايدا بولدى، بەتوننىڭ قورعانىش قاباتى قۇلادى، ءتىپتى ارماتۋرا دا اشىلدى.

مەكتەپ قۇرىلىسىنا بيۋدجەتتەن 1,5 ميلليارد تەڭگە جۇمسالعان.

ماماندار پاندەميا بالالاردى قانداي دا توتەنشە جاعدايدان ساقتاپ قالعانىن ايتتى. سەبەبى ساباقتار ونلاين جۇرگەندىكتەن، دەر كەزىندە ساراپتاما جۇرگىزىپ، قابىرعالاردى، شاتىر مەن ەدەندى تولىق تەكسەرگەن. سوت مەكتەپ-ينتەرناتتىڭ جۇمىسىن توقتاتتى.

"سپورتزال، سىنىپتار، جاتىن بولمە جاقتىڭ شاتىرى قاۋىپتى جاعدايدا تۇر. عيماراتتان ۇلكەن جارىق انىقتالدى. ول ءبىرشاما قيسايدى، بۇل بالالار مەن قىزمەتكەرلەردىڭ ءومىرى مەن دەنساۋلىعىنا قاۋىپ توندىرەدى. ەڭ باستىسى – سوت شەشىمى. شەشىم بويىنشا مەكتەپ عيماراتى اۋماعىنا كەلۋگە تىيىم سالىنعان", - دەپ حابارلادى قاراعاندى وبلىسى ءبىلىم باسقارماسىنىڭ باس مامانى ليۋدميلا گاۆريلەنكو.

ءبىلىم باسقارماسىنىڭ حابارلاۋىنشا، تەگىن جوندەۋ جۇرگىزۋگە بەرىلگەن كەپىلدىك مەرزىمى اياقتالدى. الايدا قۇرىلىسشىلار قارجىلىق جاۋاپكەرشىلىككە تارتىلادى.

ال مەكتەپ باسشىلىعى شۇعىل تۇردە 100 وقۋشى مەن 113 مۇعالىمگە ارنالعان جاڭا عيمارات ىزدەپ جاتىر. ال مەكتەپكە ولار كۇردەلى جوندەۋدەن كەيىن عانا ورالادى.

ء"بىز بۇل جەر تولىق قاۋىپسىز بولعان كەزدە عانا ورالامىز. ەرەكشە بالالار ءۇشىن مەكتەپتى ار-ۇياتپەن سالۋ كەرەك ەدى. بولار ءىس بولدى. قازىر تولىق قالپىنا كەلتىرۋ ءۇشىن سمەتا دايىندالىپ جاتىر. ءدال قازىر قانشا قاراجات قاجەت ەكەنىن ايتۋ قيىن. الايدا ءبىز بۇل مەكتەپكە كەلەسى وقۋ جىلىندا ورالۋدى جوسپارلاپ وتىرمىز", - دەدى كورۋ قابىلەتى بۇزىلعان بالالارعا ارنالعان №1 مەكتەپ-ينتەرناتىنىڭ ديرەكتورى ايمان تىلەگەنوۆا.

پىكىرلەر