الماتىنىڭ ناۋرىزباي اۋدانى شۇعىلا شاعىناۋدانىندا №223 جالپى ءبىلىم بەرەتىن مەكتەپ پايدالانۋعا بەرىلدى. بۇل تۋرالى قالالىق ءبىلىم باسقارماسىنىڭ وكىلدەرى حابارلادى.
1000-نان استام وقۋشىعا ارنالعان ءبىلىم ورداسى «جايلى مەكتەپ» («كەلەشەك مەكتەپتەرى») ۇلتتىق جوباسى اياسىندا سالىنعان. قازىر مۇندا جاقىن ماڭداعى شاعىناۋدانداردا تۇراتىن 1147 بالا ءبىلىم الىپ ءجۇر.
جاڭا مەكتەپتىڭ اشىلۋى قارقىندى دامىپ كەلە جاتقان اۋدانداعى وقۋشى ورىندارىنىڭ تاپشىلىعىن ازايتۋعا باعىتتالعان. ءساۋىر ايىندا ناۋرىزباي اۋدانىندا ەكى ءىرى ءبىلىم بەرۋ نىسانى ىسكە قوسىلدى، بۇعان دەيىن №41 مەكتەپ اشىلعان بولاتىن.
سالتاناتتى اشىلۋ راسىمىنە ءبىلىم بەرۋ سالاسىنىڭ وكىلدەرى مەن سالا ارداگەرلەرى قاتىستى.
«قازىرگى تاڭدا مەكتەپتە 1147 وقۋشى وقيدى. بۇلار بۇرىن الىس مەكتەپتەرگە اۆتوبۋسپەن قاتىناپ جۇرگەن بالالار. ەندى ءبىزدىڭ شاعىناۋداننىڭ بالالارى ءۇي ماڭىندا وقي الادى. بۇگىنگى وقيعا ولاردىڭ مەكتەپكە بارىپ-كەلۋىن ەداۋىر جەڭىلدەتەدى دەپ ويلايمىن»، - دەدى مەكتەپ ديرەكتورى جەڭىسگۇل سارتاەۆا.
وقىتۋ مەملەكەتتىك تىلدە جۇرگىزىلەدى. قازىرگى ۋاقىتتا 1-سىنىپتان 10-سىنىپقا دەيىنگى سىنىپتار جاساقتالعان، ال الداعى ۋاقىتتا مەكتەپ 1-11 سىنىپ ارالىعىندا تولىق تسيكلدە جۇمىس ىستەيدى.
مەكتەپ زاماناۋي ينفراقۇرىلىممەن جابدىقتالعان. اتاپ ايتقاندا، وقۋ كابينەتتەرى، ءارتۇرلى جاس توپتارىنا ارنالعان سپورت زالدارى بار. سونداي-اق، فۋتبول الاڭى، باسكەتبول جانە ۆولەيبول الاڭشالارى سىندى اشىق الاڭدار قاراستىرىلعان.
سونداي-اق، جايلى ورتا قالىپتاستىرۋعا ەرەكشە كوڭىل بولىنگەن. عيمارات ىشىندە جانە مەكتەپ اۋماعىندا دەمالىس ايماقتارى جابدىقتالعان.
قالا بويىنشا 2025 جىلى ءارتۇرلى باعىتتاعى 38 ءبىلىم بەرۋ نىسانى سالىندى. «كەلەشەك مەكتەپتەرى» ۇلتتىق جوباسى اياسىندا 34 200 ورىنعا ارنالعان 20 مەكتەپتىڭ قۇرىلىسى جوسپارلانعان، ونىڭ 12-ءسى پايدالانۋعا بەرىلىپ ۇلگەردى، قالعاندارى جىل سوڭىنا دەيىن اشىلادى.
جاڭا مەكتەپتەر زاماناۋي ءبىلىم بەرۋ كەڭىستىگىن قالىپتاستىرىپ، ساپالى ءبىلىمدى ۇيگە جاقىن جەردە الۋعا مۇمكىندىك بەرەدى
