اقوردادا وتكەن سىبايلاس جەمقورلىقپەن كۇرەس ماسەلەلەرىنە ارنالعان كەڭەستە پرەزيدەنت قاسىم-جومارت توقاەۆ الماتىدا "سەرگەك" كامەرالارىنىڭ سانى ۇلعايتىلاتىنىن ايتتى.مەملەكەت باسشىسى قاسىم-جومارت كەمەلۇلىنىڭ تاپسىرماسىنا سايكەس، الماتى شاھارىندا 2023 جىلى «سەرگەك» بەينەكامەرالارىنىڭ سانىن 575-كە ۇلعايتۋ جوسپارلاندى. بۇل تۋرالى ءماسليحات سەسسياسىندا قالالىق تسيفرلاندىرۋ باسقارماسىنىڭ باسشىسى بايان قوڭىرباەۆ ءمالىم ەتتى، دەپ حابارلايدى «ادىرنا» ءتىلشىسى.
سپيكەردىڭ ايتۋىنشا، 2023 جىلى الماتىدا 575 «سەرگەك» اپپاراتتىق-باعدارلامالىق كەشەنى (ابك) ىسكە قوسىلادى، ونىڭ ىشىندە اقپان ايىندا – 100 ابك، ناۋرىز ايىندا – 150 ابك.
«بۇل باستاما الماتى قالاسىنىڭ جولدارىنداعى ءولىم-ءجىتىمدى 30% قوسىمشا تومەندەتۋگە جانە جەرگىلىكتى بيۋدجەتكە ايىپپۇل رەتىندە 16,2 ملرد تەڭگە جيناۋعا مۇمكىندىك بەرەدى. جالپى، بۇگىنگى كۇنى الماتىدا مەملەكەتتىك-جەكەشەلىك ارىپتەستىك شارتى اسىندا 766 «سەرگەك« كەشەنى جۇمىس ىستەپ تۇر. ونىڭ ىشىندە جەلىلىك ۋچاسكەلەردە – 383, قيىلىستاردا – 383»، - دەدى بايان قوڭىرباەۆ.
ول سونداي-اق الماتىدا «سەرگەك» بەينەكامەرالارى ىسكە قوسىلعالى بەرى جولداعى ءولىم-ءجىتىم 48%، جول اپاتتارى 29%، جاراقات العاندار سانى 30% ازايعانىن ايتتى.
«32 اي ىشىندە قالا بيۋدجەتىنە 17,5 ملرد تەڭگە ءتۇستى. سونداي-اق جەكە سەرىكتەسكە 2,6 ملرد تەڭگە تولەندى. «سەرگەك» كەشەنى سانىن ارتتىرۋ اپاتتار كوپ بولاتىن مەن كريمينوگەندى ۋچاسكەلەردى تولىق باقىلاۋعا، جول مەن قوعام قاۋىپسىزدىگىن جاقسارتۋعا مۇمكىندىك بەرەدى»، - دەدى سپيكەر.
