Aqordada ótken sybaılas jemqorlyqpen kúres máselelerine arnalǵan keńeste prezıdent Qasym-Jomart Toqaev Almatyda "Sergek" kameralarynyń sany ulǵaıtylatynyn aıtty.Memleket basshysy Qasym-Jomart Kemelulynyń tapsyrmasyna sáıkes, Almaty shaharynda 2023 jyly «Sergek» beınekameralarynyń sanyn 575-ke ulǵaıtý josparlandy. Bul týraly máslıhat sessııasynda qalalyq ıfrlandyrý basqarmasynyń basshysy Baıan Qońyrbaev málim etti, dep habarlaıdy «Adyrna» tilshisi.
Spıkerdiń aıtýynsha, 2023 jyly Almatyda 575 «Sergek» apparattyq-baǵdarlamalyq kesheni (ABK) iske qosylady, onyń ishinde aqpan aıynda – 100 ABK, naýryz aıynda – 150 ABK.
«Bul bastama Almaty qalasynyń joldaryndaǵy ólim-jitimdi 30% qosymsha tómendetýge jáne jergilikti bıýdjetke aıyppul retinde 16,2 mlrd teńge jınaýǵa múmkindik beredi. Jalpy, búgingi kúni Almatyda memlekettik-jekeshelik áriptestik sharty asynda 766 «Sergek« kesheni jumys istep tur. Onyń ishinde jelilik ýchaskelerde – 383, qıylystarda – 383», - dedi Baıan Qońyrbaev.
Ol sondaı-aq Almatyda «Sergek» beınekameralary iske qosylǵaly beri joldaǵy ólim-jitim 48%, jol apattary 29%, jaraqat alǵandar sany 30% azaıǵanyn aıtty.
«32 aı ishinde qala bıýdjetine 17,5 mlrd teńge tústi. Sondaı-aq jeke serikteske 2,6 mlrd teńge tólendi. «Sergek» kesheni sanyn arttyrý apattar kóp bolatyn men krımınogendi ýchaskelerdi tolyq baqylaýǵa, jol men qoǵam qaýipsizdigin jaqsartýǵa múmkindik beredi», - dedi spıker.
