«KazSat-3R» sputnigın qūruǧa boljammen 87,2 mlrd teŋge qajet. Būl turaly premer-ministr Oljas Bektenov deputattardyŋ saualyna bergen jauabynda aitty, dep habarlaidy “Adyrna” ūlttyq portaly.
«KazSat-3» sputnigın auystyru üşın ǧaryştyq bailanys jüiesın qūru jäne paidalanuǧa beru» (būdan ärı – «KazSat-3R» jobasy) boiynşa jobalau aldyndaǧy jūmystar jürgızılıp jatqanyn habarlaimyz. Türlı europalyq jäne aziialyq ǧaryş tehnikasyn öndıruşı kompaniialardyŋ tehnikalyq-kommersiialyq ūsynystary qaraldy. Qarastyrylǧan ūsynystardy taldau negızınde qazırgı uaqytta ekonomikalyq saraptamadan ötıp jatqan investisiialyq ūsynys jasaldy», - dedı Oljas Bektenov jauabynda.
Sonymen qatar, ol sputniktı qūrudyŋ boljamdy qūny 87,2 mlrd teŋge ekenın aitty. Onyŋ ışınde respublikalyq biudjet esebınen - 40,3 mlrd teŋge, «RǦBO» AQ menşıktı qarajaty esebınen - 46,9 mlrd teŋge.
«Būl soma sputniktık bailanys arnalary men tele-radio habarlaryn taratu qajettılıgın eskere otyryp, jobanyŋ investisiialyq tartymdylyǧy men ekonomikalyq tiımdılıgı üşın jetkılıktı. Ekonomikalyq saraptamadan ötu qorytyndysy boiynşa bas merdıger öndıruşını taŋdau zaŋnamaǧa säikes jäne eŋ üzdık tehnikalyq şeşımder men ekonomikalyq oryndylyqty eskere otyryp, konkurs negızınde jürgızıletın bolady», - dedı ol.
Aita ketsek, 2014 jyldyŋ 28 säuırınde Baiqoŋyr ǧaryş ailaǧynan «KazSat-3» qazaqstandyq bailanys jäne habar taratu sputnigı ūşyrylǧan edı. 2016 jyldyŋ 1 nauryzynda «OTAU TV» ūlttyq sputniktık televidenie abonentterın osy bortqa auystyrylǧany jäne synaqtyŋ aiaqtalǧany jariialandy. 2017 jyly elımızdıŋ barlyq telehabary «KazSat» ūlttyq bailanys jäne habar taratu sputnikterıne tolyqtai köşırılgen bolatyn.
