Elımızde Qoǧamda zaŋ jäne tärtıp ideologiiasyn ılgerıletu jönındegı 2025-2030 jyldarǧa arnalǧan tūjyrymdama bekıtıldı. Tiıstı qaulyny Ükımet qabyldady.
Qūjat qoǧamda qūqyqtyq mädeniet deŋgeiın nyǧaituǧa jäne azamattardyŋ zaŋdardy saqtau maŋyzdylyǧyn tüsınuıne baǧyttalǧan.
Atap aitqanda, Tūjyrymdama qoǧamdaǧy qūqyqtyq mädeniettıŋ qazırgı jaǧdaiyn taldauǧa negızdelgen zaŋ men tärtıp ideologiiasyn ılgerıletu közqarasyn aiqyndaidy. Tūjyrymdamany äzırleu barysynda halyqaralyq täjıribe de eskerıldı.
Qūjat qūqyqtyq tärtıptı saqtauǧa, sybailas jemqorlyq pen «köleŋkelı» äreketterge terıs közqaras qalyptastyruǧa belsendı azamattyq qatysudy közdeidı.
Bügınde elımızde «Halyq ünıne qūlaq asatyn memleket» tūjyrymdamasynyŋ negızgı elementı sanalatyn zaŋ men tärtıp qaǧidattaryn nyǧaituǧa baǧyttalǧan reformalar belsendı türde jürgızılude. Atalǧan jūmys ärı qarai da jalǧasyn tabady.
Tūjyrymdamanyŋ negızgı baǧyttaryn jüzege asyru nätijesınde qoǧamda zaŋnyŋ üstemdıgı turaly habardar etu deŋgeiın arttyru közdelıp otyr. Atalǧan jūmys şeŋberınde zaŋnamany odan ärı jetıldıru ısı jalǧasady. Qūjat azamattardyŋ qūqyqtyq sauattylyǧyn arttyruǧa jäne sot törelıgıne qoljetımdılıktı ärı qarai da qamtamasyz etuge baǧyttalǧan ıs-şaralardy ıske asyrudy közdeidı. Azamattardyŋ qūqyqtyq sauatyn arttyru jäne osy bılımın täjıribede qoldanu maqsatynda oqytu ıs-şaralaryn ūiymdastyru josparlanuda. Atap aitqanda, studentterge qūqyqtyq bılım beru täjıribesın engızu naqty jaǧdailarda qūqyqtyq bılımdı tiımdı qoldanu qabıletın damytuǧa baǧyttalǧan oqytudyŋ türlı formalaryna belsendı qatysudy qamtidy.
Qūqyq būzuşylyqtardyŋ aldyn aluǧa jäne halyqqa qyzmet etuge; memleket pen qoǧam yntymaqtastyǧynyŋ jaŋa qūraldaryn engızuge basa nazar audara otyryp, memlekettık organdar aşyqtyǧy mädenietın qalyptastyruǧa, azamattar üşın zamanaui sifrlyq qyzmetterdı ıske qosuǧa, atap aitqanda, eGOV aşyq derekterınıŋ elektrondy ükımet funksionaldyǧyn damytuǧa, satyp alularǧa qoǧamdyq monitoring jürgızuge baǧyttalǧan jäne basqa da memlekettık jäne qūqyq qorǧau organdary qyzmetınıŋ servistık modelı tiımdılıgın arttyru jönındegı şaralar közdeledı. Būl jūmysty atqaruǧa NQA belsendı türde qatysady.
Sonymen qatar kadr saiasatyn reformalau, polisiia qyzmetkerlerın bılıktılıktı arttyru kurstary, oqu-ädıstemelık jiyndardy ötkızu arqyly daiarlau, meritokratiia qaǧidatyn nyǧaitu, «soft skills» damytu, sondai-aq materialdyq-tehnikalyq jaraqtandyrudy jaŋǧyrtu jalǧastyrylady.
Auqymdy derekterdı öŋdeu üşın jasandy intellektını paidalana otyryp, IIM situasiialyq-taldau ortalyǧynyŋ funksiialaryn keŋeitu közdeledı: kameralardan tüsetın beineaǧyn (bet älpet pen nömırdı tanu), äleumettık jelıler (qauıp-qaterdı baqylau), qylmystyq statistika (qylmys oşaqtaryn boljau); jedel qyzmetterdı, däleldemelerdı avtomatty türde salystyru jäne tergeuşılerdıŋ şeşım qabyldauyn qoldau baǧdarlamalarymen jabdyqtau, sondai-aq tergeuşılerdı Jİ qūraldarymen, tergeudıŋ jaŋa taktikalarymen (profailing, jauap alu ädısterı, sifrlyq kriminalistika) jūmys ısteuge oqytu. Körşı memlekettermen bırlesıp, transūlttyq qylmysqa qarsy kürestı ūiymdastyru jäne aqparat almasu josparlanyp otyr.
Keşendı şaralar qabyldau nätijesınde qoǧamda zaŋdylyq pen qūqyqtyq tärtıptı saqtauda oŋ özgerıs qalyptasyp, zaŋdarǧa üstırt qaraudan jauapty ärı sanaly közqarasqa auysady dep kütılude. Qoǧamdaǧy ärbır azamat basqa adamdardyŋ qūqyqtaryn qūrmettep qana qoimai, qūqyqtyq tärtıptı belsendı türde saqtaidy, būl jalpy tärtıptıŋ jaqsaruyna äkeledı.
Būdan bölek, qabyldanǧan şaralar nätijesınde halyqtyŋ memlekettık jäne qūqyq qorǧau organdaryna degen senımın nyǧaitady dep kütılude. Jalpy, mūnyŋ bärı qūqyq būzuşylyqtar sanynyŋ tömendeuıne, azamattarǧa qyzmet körsetu sapasynyŋ jaqsaruyna, ekonomikalyq tartymdylyq pen investisiialyq ortanyŋ jaqsaruyna äkeluı tiıs.
Ūqsas jaŋalyqtar
