Mäjılıste januarlarǧa jauapkerşılıkpen qarau mäselelerıne qatysty zaŋ jobasyna Senat engızgen tüzetuler qaraldy. Deputat Erbolat Satybaldy jekelegen baptar turaly tüsınıkteme berdı, dep habarlaidy «Adyrna» tılşısı.
Ol Senat ūsynǧan özgerısterdıŋ negızınen naqtylauşy sipatta ekenın atap öttı. Aituynşa, qūjattaǧy negızgı zaŋnamalyq tūjyrymdama özgerıssız saqtalǧan.
«İesız januarlardyŋ sanyn retteu mäselelerı, onyŋ ışınde tärtıbı men merzımderı jergılıktı ökıldı organdardyŋ qūzyretıne berılıp, «iesız januarlar» ūǧymyn naqtylandy. Sondai-aq januarlardy jansyzdandyru turaly şeşımdı veterinariialyq qorytyndy negızınde qabyldau normasy tolyqtyryldy jäne özge de tüzetuler engızıldı»,-dedı Mäjılıs deputaty.
Erbolat Satybaldy memleket basşysy Qasym-Jomart Toqaevtyŋ januarlarǧa jauapkerşılıkpen qarau mädenietın qalyptastyru jäne üi januarlaryna qatygezdıkke jol bermeu jönındegı tapsyrmalaryn da eske saldy. Onyŋ aituynşa, prezident tapsyrmasyn oryndau aiasynda januarlardy esepke alu jüiesın naqtylau qajet. Osy rette januarlardy chipteu men tırkeu ielık qūqyǧyn anyqtaudyŋ negızgı tetıgı boluy tiıs ekenı aityldy.
«Qarapaiym tılmen aitqanda, eger januar esepke alynbasa , onyŋ iesın anyqtau mümkın emes, al iesı anyqtalmasa, jauapkerşılık te bolmaidy»,- dedı ol.
