نۇر-سۇلتان قالاسىنداعى جۇرگىزۋشىلەردىڭ بىرىنە كولىگىنىڭ ارتقى اينەگىنە ساياسي بەلگى جازعانى ءۇشىن ايىپپۇل سالىندى.
مۇنداي بەلگى ۋكرايناعا كىرگەن رەسەيدىڭ اسكەري تەحنيكاسىنا قويىلعان، دەپ حابارلايدى “ادىرنا” ۇلتتىق پورتالى ەكسپرەسس ك. سايتىنا سىلتەمە جاساپ.
ەلوردا كوشەسىندە "Z" بەلگىسىن جاپسىرعان كولىك جۇرگىزۋشىسىنىڭ ارەكەتى الەۋمەتتىك جەلىدە تاراعان. كەيىن جەلى قولدانۋشىلارىنىڭ نارازىلىعىمەن پوليتسيا ونى ىزدەۋگە كىرىستى.
Toyota Corolla اۆتوكولىگىنىڭ جۇرگىزۋشىسىنە اكىمشىلىك كودەكستىڭ 590-بابى، 5-ءبولىمى (كولىك قۇرالدارىن پايدالانۋ ەرەجەلەرىن بۇزۋ) بويىنشا حاتتاما تولتىرىلدى. 5 اەك، ياعني 15315 تەڭگە مولشەرىندە ايىپپۇل سالىندى. بەلگى تولىق ءوشىرىلدى، — دەدى نۇر-سۇلتان قالالىق پد ءباسپاسوز قىزمەتىندەگىلەر.
”ادىرنا” ۇلتتىق پورتالى
