قازاقستاننىڭ قورعانىس مينيسترلىگى قازاقستاندىق اسكەري قىزمەتشىلەردىڭ ۋكرايناعا جونەلتىلىپ جاتقانى تۋرالى الەۋمەتتىك جەلىدە تاراعان اقپاراتتى جوققا شىعاردى، دەپ حابارلايدى “ادىرنا” ۇلتتىق پورتالى.
"قازاقستاندىق اسكەري قىزمەتشىلەردى ۋكرايناعا نەمەسە باسقا ەلگە جىبەرۋ تۋرالى ءوتىنىش تۇسكەن جوق، سايكەسىنشە، ونداي ماسەلە قاراستىرىلىپ جاتقان جوق", - دەلىنگەن مينيسترلىك تاراتقان حابارلامادا.
Ulysmedia.kz مالىمەتىنشە، قورعانىس مينيسترلىگى بەيبىتشىلىك پەن قاۋىپسىزدىكتى ساقتاۋ جونىندەگى حالىقارالىق مىندەتتەمەلەردى ورىنداۋعا اسكەري كونتينگەنت جىبەرۋ تۋرالى شەشىمدى پارلامەنت قابىلدايتىنىن ەسكە سالدى.
ال پارلامەنتكە ۇسىنىستى پرەزيدەنت ەنگىزەدى.
“ادىرنا” ۇلتتىق پورتالى
