استانا اكىمى جەڭىس قاسىمبەك قالاداعى جەڭىل رەلستى كولىك (LRT) جەلىسىنىڭ ىسكە قوسىلۋ مەرزىمى مەن الدىن الا جولاقىسى تۋرالى ايتتى، دەپ حابارلايدى "ادىرنا" ۇلتتىق پورتالى.
تۇرعىندارمەن كەزدەسۋدە اكىمنەن LRT-نىڭ تەستىلىك ىسكە قوسۋ مەرزىمى كەيىنگە شەگەرىلمەگەنىن سۇرادى.
"ەشتەڭە وزگەرگەن جوق، ءبىز قىركۇيەكتە تەستىلىك رەجيمدە العاشقى قۇرامداردى ىسكە قوسۋدى جوسپارلاپ وتىرمىز. تەست ناتيجەلەرى بويىنشا ناقتى پايدالانۋعا بەرۋ مەرزىمى انىقتالادى. ادەتتە، تەستىلىك كەزەڭ ءۇش ايدان التى ايعا دەيىن سوزىلادى", — دەدى قاسىمبەك.
بۇل سوزدەرگە سۇيەنسەك، LRT تولىققاندى تۇردە 2026 جىلدىڭ باسىندا جۇمىسىن باستاۋى مۇمكىن.
جولاقىسىنا قاتىستى اكىم جوبادا ءبىر رەتتىك ساپار قۇنى 200 تەڭگەگە دەيىن دەپ قاراستىرىلعانىن ايتتى. دەگەنمەن، ناقتى تاريف وسى جىلدىڭ سوڭىنا دەيىن بەكىتىلەدى.
