قر ۇكىمەتىنە ۇسىنىس

8840
Adyrna.kz Telegram

قازاق ءتىلى قازىرگى قولدا بار مۇمكىندىكتەرمەن دامي المايدى. زاڭداما دا بىلجىر – ناقتىلىق جوق. قولداعى مەملەكەتتىك رەسۋرستار مەن تەتىكتەردىڭ ءوزى ءار ۆەدوموستىعا قاراپ شاشىلىپ جاتىر:

  1. اقپارات جانە قوعامدىق دامىتۋ مينيسترلىگىندە - «ۇلتتىق رۋحاني جاڭعىرۋ» ۇلتتىق جوباسى مەن رۋحاني جاڭعىرۋ ورتالىعى، وسىلارعا بولىنگەن قىرۋار قارجىنىڭ تيىمدىلىگى ءوز الدىنا ماسەلە;
  2. ءبىلىم جانە عىلىم مينيسترلىگىنە قارايتىن ءتىل كوميتەتى، ءتىلبىلىم ينستيتۋتى، «تىلقازىنا» ورتالىعى، قازتەست جۇيەسى – بۇلاردىڭ ءوزى ءبىر بىرىمەن جۇيەسىزدىكتە - نە تىندىرادى، قالاي تىندىراتىنى – تاعى ماسەلە.

بۇلار ءبىر بىرىمەن بىرىكپەيدى، ۇيلەسىمدى جۇمىس جوق – ءبىر ورتالىقتان جىمداستىراتىن ورگان جوق.

سوندىقتان  ءتىل كوميتەتىن اقپارات جانە قوعامدىق دامىتۋ مينيسترلىگىنە قاراتۋ كەرەك (التىنبەك سارسەنباەۆ كەزىندە سولاي بولعان – اقپارات جانە قوعامدىق كەلىسىم مينيسترلىگى) جانە ءتىلبىلىم ينستيتۋتى، «تىلقازىنا» ورتالىعى، قازتەست جۇيەسىن جانە رۋحاني جاڭعىرۋ ورتالىعىن  - ءبىر كورپوراتسياعا بىرىكتىرگەن دۇرىس. سوندا قارجى مەن رەسۋرستار، الەۋەتتەر ءبىر ماسەلەنى ءتىل مەن رۋحاني جاڭعىرۋ تاقىرىبىنا ءبىرتۇتاس تۇردە ارناي الاتىن بولادى. ءتىل ماسەلەسىن رۋحاني جاڭعىرۋدان تىس شەشۋدىڭ ءوزى - ابسۋرد!

بۇگىنگى تاڭدا قازاق ءتىلىنىڭ قاجەتىنە جۇمسايتىن بيۋدجەتتەن تىكەلەي قارجى جوق! الەۋمەتتىك تاپسىرىسقا قاراپ ءموليىپ وتىر...

سەرىك ەرعالي، لينگۆيست، «حالىقارالىق قازاق ءتىلى» قوعامىنىڭ مۇشەسى

پىكىرلەر