قازاقستان ادەبيەتىنىڭ اسا كورنەكتى وكىلى، مەملەكەتتىك سىيلىقتىڭ لاۋرەاتى، «پاراسات» جانە «قۇرمەت» وردەندەرىنىڭ يەگەرى كۇلاش احمەتوۆا ومىردەن ءوتتى. قايعىلى حاباردى مادەنيەت جانە اقپارات مينيسترلىگى جەتكىزدى، دەپ حابارلايدى “ادىرنا”.
مينيسترلىك مارقۇمنىڭ وتباسى مەن تۋعان-تۋىستارىنا، ادەبي قاۋىمعا جانە بارشا قازاقستاندىقتارعا كوڭىل ايتاتىنىن جەتكىزدى.
كۇلاش احمەتوۆا قازاق پوەزياسىندا نازىك ليريكاسىمەن، ازاماتتىق اسقاق ۇنىمەن جانە ۇلتتىق رۋحانياتقا قوسقان ولشەۋسىز ۇلەسىمەن ەرەكشەلەنگەن. ونىڭ «اق گۇلىم مەنىڭ»، «سەن مەنىڭ باقىتىمسىڭ»، «بۇلاقتاعى جۇلدىزدار»، «مەيىرىم»، «جاپىراق – جازدىڭ جۇرەگى» سياقتى جىر جيناقتارى بىرنەشە بۋىن وقىرمانداردىڭ جۇرەگىندە ءىز قالدىرعان.
ۇقساس جاڭالىقتار
