ۋكرايناعا جاقىن ورنالاسقان تەتكينو اۋىلىندا جارىلىس جوندەۋگە كەلگەن اسكەري كولىكتەگى قىسقا تۇيىقتالۋ سالدارىنان بولدى، دەپ حابارلادى كۋرسك وبلىسىنىڭ گۋبەرناتورى رومان ستاروۆويت. بۇل تۋرالى "ادىرنا" ۇلتتىق پورتالى جازادى.
گۋبەرناتوردىڭ ورىنباسارى الەكسەي سميرنوۆ زارداپ شەككەندەر جوق ەكەنىن ايتتى. ونىڭ ايتۋىنشا، توتەنشە جاعدايعا اسكەري تەحنيكانى جوندەۋ كەزىندە بولعان قىسقا تۇيىقتالۋ سەبەپ بولعان، بەنزين تاسىمالداۋشى جانعان.
«كۋرسك وبلىسىندا قاقتىعىستار جوق»، - دەدى رومان ستاروۆويت. – شەكارا قىزمەتى مەن اۋە قورعانىسى تۇراقتى رەجيمدە جۇمىس ىستەۋدە. دۇربەلەڭگە نەگىز جوق.
جارىلىستان جاقىن ورنالاسقان ۇيلەر مەن الەۋمەتتىك نىساندارداعى اينەك سىنىقتارى ۇشىپ كەتتى. ادامدار قورقىپ كەتتى. مەكتەپ جانە اۋرۋحانا عيماراتتارى، جىلۋ قۇبىرى زارداپ شەكتى.
300 جەرگىلىكتى تۇرعىن كۋرسك وبلىسىنىڭ گلۋشكوۆو اۋدان ورتالىعىنا ەۆاكۋاتسيالاندى. گۋبەرناتور ادامدارعا كومەك كورسەتىلەتىنىنە ۋادە بەردى.
توتەنشە جاعداي ورنىندا ساپەرلەر جۇمىس ىستەۋدە.
"ادىرنا" ۇلتتىق پورتالى
