Visa جانە Mastercard حالىقارالىق تولەم جۇيەلەرى رەسەيدە ءوز قىزمەتىن توقتاتقانىن حابارلادى. بۇل تۋرالى "ادىرنا" ۇلتتىق پورتالى جازادى.
Visa ءباسپاسوز قىزمەتى قازىرگى ۋاقىتتا رەسەيدەگى بارلىق ترانزاكتسيالاردى توقتاتۋ بويىنشا جۇمىستار جۇرگىزىلىپ جاتقانىن مالىمدەدى.
وسى ساتتەن باستاپ Visa الداعى كۇندەرى بارلىق Visa ترانزاكتسيالارىن توقتاتۋ ماقساتىندا رەسەيدەگى كليەنتتەرمەن جانە سەرىكتەستەرمەن جۇمىس ىستەيتىن بولادى. پروتسەسس اياقتالعاننان كەيىن رەسەي فەدەراتسياسىندا شىعارىلعان Visa كارتالارىمەن باستالعان بارلىق ترانزاكتسيالار ەندى ەلدەن تىس جەردە جۇمىس ىستەمەيدى.
Mastercard ءباسپاسوز قىزمەتى جەلىلىك وپەراتسيالاردى توقتاتۋ تۋرالى شەشىم رەسەيگە قارسى سانكتسيالاردىڭ ەنگىزىلۋىنە بايلانىستى قابىلدانعانىن اتاپ ءوتتى.
«بۇل شارا رەسەيلىك بانكتەر شىعارعان كارتالارعا Mastercard جۇيەسى ەندى قولداۋ كورسەتپەيتىنىن بىلدىرەدى»، - دەلىنگەن ءباسپاسوز حابارلاماسىندا.
رەسەيدە شىعارىلعان Mastercard كارتالارى جۇمىس ىستەمەيتىنى، ال ەلدەن تىس شىعارىلعاندارعا رەسەي فەدەراتسياسىنىڭ ساۋدا نۇكتەلەرى مەن بانكوماتتارىندا قولداۋ كورسەتىلمەيتىنى اتاپ ءوتىلدى. كومپانيا Mastercard ءوز جۇمىسىن «ورىندى» بولعاندا جانە «زاڭمەن رۇقسات ەتىلسە» جالعاستىرۋدى جوسپارلاپ وتىرعانىن قوستى.
"ادىرنا" ۇلتتىق پورتالى
