5 ناۋرىزدا ماسكەۋدە ءستاليننىڭ قايتىس بولۋىنا 69 جىل تولۋىنا وراي كوممۋنيستەر، سولشىل پاتريوتتىق ۇيىمنىڭ مۇشەلەرى جانە پارتيا جاقتاستارى ەسكە الۋ اكتسياسىن وتكىزدى. شارا بارىسىندا رەسەي كوممۋنيستىك پارتياسىنىڭ جەتەكشىسى گەننادي زيۋگانوۆ قازاقستاندا اقش-تىڭ 9 زەرتحاناسى بار ەكەنىن ءمالىم ەتتى، دەپ حابارلايدى "ادىرنا" ۇلتتىق پورتالى.
- ۋكرايناداعى بيلىك ەشكىمنىڭ باسىن كوتەرۋگە مۇمكىندىك بەرمەيتىن ناتسيستىك-باندەرالىق توپتىڭ قولىندا بولدى. ولارعا قارسى شىققان كەز-كەلگەن ادامدى نە قۋدالادى، نە جازالادى، نە بولماسا جاي عانا قىرىپ تاستادى. ونىڭ ۇستىنە امەريكاندىقتار زەلەنسكيدى جەردى ساتۋعا ءماجبۇر ەتتى. ويتكەنى، ۋكراينادا الەمدەگى اسا قۇنارلى قارا توپىراقتار بار. سونىمەن قاتار، ءبىر مەزگىلدە ءبىزدىڭ شەكارامىزدىڭ پەريمەترى بويىنشا ون بەس بيولوگيالىق زەرتحانا ورنالاستىرىلدى، وندا بىردە-ءبىر ۋكراين قىزمەتكەرى بولمادى، تەك امەريكاندىق ماماندار رەسەي مەن ونىڭ حالقىن ۋلاندىراتىن جاڭا باكتەريالاردى دايىنداپ جاتتى. مۇنداي زەرتحانالاردىڭ بەسەۋى گرۋزيادا، توعىزى قازاقستاندا ورنالاستىرىلدى. سوندىقتان اسكەري-ساياسي وپەراتسيا بارىسىندا ۋكرايناداعى وسى ون بەس زەرتحانانى رەسەي قارۋلى كۇشتەرى قيراتۋى كەزدەيسوق ەمەس، - دەپ مالىمدەدى زيۋگانوۆ.
"ادىرنا" ۇلتتىق پورتالى
